اپنے WhatsApp اکاؤنٹ کو اکاؤنٹس سنٹر میں شامل کرنا
اکاؤنٹس سنٹر میں WhatsApp کیا ہے؟
اکاؤنٹس سنٹر وہ جگہ ہے جہاں سے آپ اپنے Facebook، Instagram، WhatsApp اور Meta اکاؤنٹس کے اکاؤنٹ کی سیٹنگز اور مربوط تجربات کو ایک ہی جگہ سے مینج کر سکتے ہیں۔ اپنے WhatsApp اکاؤنٹ کو اکاؤنٹس سنٹر میں شامل کرنا مکمل طور پر اختیاری ہے۔ آپ کسی بھی وقت اپنے WhatsApp اکاؤنٹ کو اکاؤنٹس سنٹر میں شامل کر سکتے ہیں یا اس سے ہٹا سکتے ہیں۔
اپنے WhatsApp اکاؤنٹ کو اکاؤنٹس سنٹر میں شامل کرنے سے آپ کو ایسے تجربات حاصل ہوں گے جو Meta ایپس پر کارآمد ثابت ہوتے ہیں، جیسے WhatsApp پر بنائے گئے اپنے اسٹیٹس کو Facebook یا Instagram پر موجود سٹوریز پر آسانی سے شیئر کرنے کی صلاحیت حاصل ہونا۔ آپ اکاؤنٹ کی کچھ سیٹنگز کو ایک ہی جگہ سے مینج بھی کر سکیں گے، جیسے پروفائل کی معلومات میں ترمیم کرنا۔ اپنے WhatsApp اکاؤنٹ کو اکاؤنٹس سنٹر میں شامل کرنے کا مطلب ہے کہ WhatsApp اور Meta یہ فوائد فراہم کرنے کیلئے معلومات کو شیئر کریں گے، جس کی وضاحت نیچے اور WhatsApp کی پرائیویسی پالیسی میں دی گئی ہے۔
اپنے WhatsApp اکاؤنٹ کو اکاؤنٹس سنٹر میں شامل کرنے سے WhatsApp پر آپ کے ذاتی میسجز یا کالز کی پرائیویسی متاثر نہیں ہوگی، اور انہیں اینڈ ٹو اینڈ اینکرپٹڈ رکھا جائے گا۔ کوئی بھی انہیں پڑھ یا سن نہیں سکتا، یہاں تک کہ WhatsApp یا Meta بھی نہیں۔ ہم کسی بھی دیگر Meta کمپنی کے ساتھ آپ کے روابط کی فہرست بھی شیئر نہیں کرتے۔
بلاشبہ، WhatsApp کا انحصار Meta کے بنیادی ڈھانچے، جیسے سرورز پر ہے تاکہ دنیا بھر کے لوگوں کو تیز اور قابل اعتماد سروسز کے ذریعے سپورٹ فراہم کی جا سکے۔ تاہم، WhatsApp کے ذاتی ڈیٹا تک رسائی محدود ہوتی ہے، اس لیے دیگر Meta ایپس اس کا استعمال نہیں کریں گی – بشمول اشتہارات کیلئے – مگر اس بات کا تعین کرنے کیلئے کہ ہم کتنے لوگوں کو سروس فراہم کرتے ہیں، لوگوں کو محفوظ رکھنے کیلئے یا Meta پراڈکٹس پر کارآمد ثابت ہونے والے اختیاری فیچرز فراہم کرنے کیلئے۔
اکاؤنٹس سنٹر میں WhatsApp اِن اختیاری فیچرز میں سے ایک ہے۔ دیگر اختیاری فیچرز میں Meta AI کے ساتھ چیٹ کرنا یا Meta کے بزنس ٹولز استعمال کرنے والے بزنسز کو میسج کرنا شامل ہے۔ ایپ میں اختیاری فیچرز کی ہمیشہ صاف طور پر وضاحت کی جاتی ہے تاکہ آپ اس بات کا انتخاب کر سکیں جو آپ کیلئے مناسب ہو۔
اپنے WhatsApp اکاؤنٹ کو اکاؤنٹس سنٹر میں شامل کرنے پر WhatsApp کون سی معلومات کو جمع کرتا ہے؟
WhatsApp کی پرائیویسی پالیسی میں وہ معلومات بیان کی گئی ہے جو WhatsApp اپنی سروسز پر جمع کرتا ہے۔ جب آپ اپنے WhatsApp اکاؤنٹ کو اکاؤنٹس سنٹر میں شامل کرتے ہیں، تو WhatsApp بھی دیگر معلومات جمع کرتا ہے جیسے:
- ڈیوائس اور کنکشن کی معلومات، جیسے منفرد ID جو ہر اس وقت بنائی جاتی ہے جب آپ اکاؤنٹس سنٹر میں WhatsApp کا استعمال کرتے ہیں۔
- استعمال اور لاگ سے متعلق معلومات کہ اکاؤنٹس سنٹر میں WhatsApp کیسا کام کر رہا ہے، جیسے سروس سے متعلق، تشخیص اور کارکردگی سے متعلق معلومات، مثلاً لاگ فائلز، ٹائم اسٹیمپس، کراس پوسٹ سے متعلق سرگرمی اور مینٹیننس لاگز۔
آپ کو اکاؤنٹس سنٹر کے ذریعے دستیاب ہونے والے مربوط تجربات استعمال کرنے کی قابلیت فراہم کرنے کیلئے WhatsApp دیگر Meta کمپنیز سے بھی معلومات حاصل کرتا ہے، جیسے:
- اکاؤنٹ کی معلومات، جیسے ایک ہی اکاؤنٹس سنٹر میں موجود ان Facebook یا Instagram اکاؤنٹس سے متعلق آئیڈینٹیفائرز، جن پر آپ معلومات کو کراس پوسٹ کرتے ہیں۔
- آپ کے Facebook یا Instagram اکاؤنٹس کو آپ کے WhatsApp اکاؤنٹ سے جوڑنے کیلئے درکار ڈیوائس اور کنکشن سے متعلق معلومات۔
- آپ کی عمر سے متعلق معلومات جیسا کہ Meta اکاؤنٹس (مثلاً Facebook) پر بتایا گیا ہے، جس سے ہمیں عمر سے متعلق تضاد کا مسئلہ حل کرنے اور Meta کمپنی پراڈکٹس کیلئے اہلیت کا تعین کرنے جیسے کاموں میں مدد ملتی ہے۔
اپنے WhatsApp اکاؤنٹ کو اکاؤنٹس سنٹر میں شامل کرنے پر Meta کو میرے بارے میں کون سی معلومات موصول ہوگی؟
جب آپ اپنے WhatsApp اکاؤنٹ کو اکاؤنٹس سنٹر میں شامل کرتے ہیں، تو دیگر Meta کمپنیز کو معلومات موصول ہوتی ہے جیسے:
- اکاؤنٹ کی معلومات، جیسے آپ کا فون نمبر اور WhatsApp پر آپ کی پروفائل کی تصویر (مثلاً اسے آپ کے اکاؤنٹس سنٹر کی سیٹنگز پر دکھانے کیلئے)۔
- عمر سے متعلق معلومات (اگر فراہم کی گئی ہے تو)، جس سے Meta کو عمر سے متعلق تضاد کا مسئلہ حل کرنے اور Meta کمپنی پراڈکٹس کیلئے اہلیت کا تعین کرنے جیسے کاموں میں مدد ملتی ہے۔
- صارف کا کنٹنٹ، جیسے WhatsApp پر آپ کا اسٹیٹس، اگر آپ نے اپنی اسٹیٹس اپ ڈیٹس کو Facebook یا Instagram سٹوریز پر شیئر کیا ہے۔
- ڈیوائس اور کنکشن سے متعلق معلومات، جیسے آپ کی ایپ کا ورژن یا WhatsApp میں سیٹ کردہ آپ کی ڈیوائس کی زبان۔
- استعمال اور لاگ سے متعلق معلومات، جس میں اس کے متعلق معلومات شامل ہے کہ آپ ہماری سروسز کا استعمال کیسے کرتے ہیں، جیسے آیا آپ نے اپنے WhatsApp اکاؤنٹ کو اکاؤنٹس سنٹر میں شامل کیا ہے یا نہیں اور آپ اس کا استعمال کیسے کرتے ہیں، یا آپ نے اپنے WhatsApp اسٹیٹس کو Facebook یا Instagram سٹوریز پر کتنی مرتبہ شیئر کیا ہے۔
- اگر قابل اطلاق ہو تو، آپ کے چینلز کے استعمال سے متعلق معلومات (ہم چینلز کیلئے جو معلومات جمع کرتے ہیں اس کے بارے میں مزید جانیں)۔
اپنے WhatsApp اکاؤنٹ کو اکاؤنٹس سنٹر میں شامل کرنے پر WhatsApp کن مقاصد کیلئے میری معلومات کا استعمال کرتا ہے؟
اپنے WhatsApp اکاؤنٹ کو اکاؤنٹس سنٹر میں شامل کرنے پر WhatsApp آپ کی معلومات کا استعمال درج ذیل مقاصد کیلئے کرتا ہے:
- اکاؤنٹس سنٹر میں WhatsApp کیلئے سروسز فراہم کرنا اور WhatsApp پر فیچرز اور تجربات کی فعالیت کی سہولت فراہم کرنا، جس میں یہ چیزیں شامل ہیں:
- آپ کے اکاؤنٹ کی اہلیت کو چیک کرنا اور آپ کے WhatsApp اکاؤنٹ کو اکاؤنٹس سنٹر میں شامل کرنا۔
- آپ کے اکاؤنٹ کی معلومات اور سیٹنگز میں ترمیم کر کے انہیں تمام اکاؤنٹس پر میچ کرنا۔
- ایک ہی سائن اِن کو فعال کرنا تاکہ آسانی سے WhatsApp تک رسائی کی جا سکے اگر آپ کی ڈیوائس پہلے سے ہی ایک ہی اکاؤنٹس سنٹر میں موجود کسی اور Meta اکاؤنٹ میں لاگ ان شدہ ہے۔
- مربوط تجربات پر کنٹرولز فراہم کرنا، جیسے اپنے WhatsApp اسٹیٹس کو Facebook یا Instagram سٹوریز پر شیئر کرنا۔
- WhatsApp کی سروسز اور پراڈکٹس کو بہتر بنانا، جیسے اکاؤنٹس سنٹر میں WhatsApp، اور اس میں یہ چیزیں شامل ہیں:
- پراڈکٹ کے مسائل حل کرنا، تشخیص کرنا، ان کا تجزیہ کرنا اور انہیں ٹھیک کرنا۔
- سروس کی کارکردگی، اعتبار اور افادیت کی نگرانی کرنا۔
- موجودہ فیچرز کو اپ ڈیٹ کرنا اور نئے فیچرز تیار کرنا، اور اکاؤنٹس سنٹر میں نئے فیچرز کے اثر کا اندازہ لگانے کیلئے تجربات کرنا۔
- اعداد و شمار جنریٹ کرنا اور ان کی توثیق کرنا تاکہ اس بات کو سمجھا جا سکے کہ اکاؤنٹس سنٹر میں WhatsApp کا کتنی اچھی طرح سے اور کتنی کثرت سے استعمال کیا جا رہا ہے، تاکہ مستقبل میں اکاؤنٹس سنٹر کے فیچرز کو اپنانے کا اندازہ لگایا جا سکے۔
- ایک ہی اکاؤنٹس سنٹر میں موجود تمام اکاؤنٹس کی معلومات کا استعمال کرنے کیلئے دیگر Meta کمپنیز کے ساتھ کام کرنا تاکہ مندرجہ ذیل کام کر سکیں:
- آپ کے WhatsApp اکاؤنٹ کو اکاؤنٹس سنٹر میں موجود دیگر Meta کمپنی پراڈکٹس کے اکاؤنٹس کے ساتھ وابستہ کرنا۔
- آپ کو آپ کے منتخب کردہ مربوط تجربات فراہم کرنا اور تمام اکاؤنٹس پر آپ کے تجربات کو بہتر بنانا۔
اپنے WhatsApp اکاؤنٹ کو اکاؤنٹس سنٹر میں شامل کرنے پر Meta میری معلومات کا استعمال کیسے کرتی ہے؟
اگر آپ اپنے WhatsApp اکاؤنٹ کو اکاؤنٹس سنٹر میں شامل کرتے ہیں، تو Meta اپنی پراڈکٹس اور سروسز فراہم کرنے، انہیں ذاتی نوعیت کا بنانے اور انہیں بہتر بنانے، بشمول تمام Meta کمپنی پراڈکٹس پر آپ کو اشتہارات دکھانے، ان کی کارکردگی کی پیمائش کرنے اور مزید ذاتی نوعیت کے فیچرز، کنٹنٹ اور تجاویز فراہم کرنے کیلئے، اور ساتھ ہی تحفظ، سیکیورٹی اور سالمیت کو فروغ دینے جیسے کاموں کیلئے آپ کی معلومات کا استعمال کرے گی جیسا کہ Meta کی پرائیویسی پالیسی میں بیان کیا گیا ہے۔ Meta کی سروسز اور پراڈکٹس کا آپ کا استعمال Meta کی اپنی شرائط اور پرائیویسی پالیسی کے تابع ہوگا۔
بلاشبہ، WhatsApp کا انحصار Meta کے بنیادی ڈھانچے، جیسے سرورز پر ہے تاکہ دنیا بھر کے لوگوں کو تیز اور قابل اعتماد سروسز کے ذریعے سپورٹ فراہم کی جا سکے۔ تاہم، WhatsApp کے ذاتی ڈیٹا تک رسائی محدود ہوتی ہے، اس لیے دیگر Meta ایپس اس کا استعمال نہیں کریں گی – بشمول اشتہارات کیلئے – مگر اس بات کا تعین کرنے کیلئے کہ ہم کتنے لوگوں کو سروس فراہم کرتے ہیں، لوگوں کو محفوظ رکھنے کیلئے یا Meta پراڈکٹس پر کارآمد ثابت ہونے والے اختیاری فیچرز فراہم کرنے کیلئے۔
اکاؤنٹس سنٹر میں WhatsApp اِن اختیاری فیچرز میں سے ایک ہے۔ دیگر اختیاری فیچرز میں Meta AI کے ساتھ چیٹ کرنا یا Meta کے بزنس ٹولز استعمال کرنے والے بزنسز کو میسج کرنا شامل ہے۔ ایپ میں اختیاری فیچرز کی ہمیشہ صاف طور پر وضاحت کی جاتی ہے تاکہ آپ اس بات کا انتخاب کر سکیں جو آپ کیلئے مناسب ہو۔
کیا WhatsApp کو اکاؤنٹس سنٹر میں شامل کرنے سے اس پر اثر پڑتا ہے کہ کسی بزنس کو میرے میسج کرنے یا اس کے ساتھ اپنی معلومات شیئر کرنے پر آیا Meta میری معلومات کا استعمال کرتی ہے یا نہیں؟
ایک ہی اکاؤنٹس سنٹر میں آپ کے اکاؤنٹس ہونے سے اس پر کوئی اثر نہیں پڑتا کہ اپنی معلومات کو بزنسز کے ساتھ شیئر کرنے یا ہماری پراڈکٹس پر اس کو میسج کرنے پر آیا آپ کی معلومات کا استعمال کیا جاتا ہے یا نہیں۔
اس بارے میں مزید جانیں کہ Meta ایک ہی اکاؤنٹس سنٹر میں موجود آپ کے تمام اکاؤنٹس کی معلومات کا استعمال کیسے کرتی ہے۔
میری کون سی سیٹنگز تبدیل ہوں گی؟
اپنے WhatsApp اکاؤنٹ کو اکاؤنٹس سنٹر میں شامل کرنے سے آپ کو اپنے WhatsApp اکاؤنٹس کیلئے اور آپ کے ان تمام دیگر اکاؤنٹس کیلئے، جو ایک ہی اکاؤنٹس سنٹر میں شامل ہیں، ایک ہی جگہ سے بعض سیٹنگز کو مینج کرنے کی سہولت ملتی ہے۔ اس میں ایسی چیزیں شامل ہیں جیسے تمام اکاؤنٹس پر اپنی پروفائل کی معلومات میں ترمیم کرنا، اور یہ کہ آیا اسٹیٹس کو اپنی تمام ایپس پر ہمیشہ کراس پوسٹ کیا جائے یا نہیں۔ اکاؤنٹس سنٹر کے ذریعے کنٹرول کی جانے والی سیٹنگز کی مکمل لسٹ کیلئے یہاں مزید پڑھیں۔
اگر میں اپنے WhatsApp اکاؤنٹ کو اکاؤنٹس سنٹر میں شامل نہ کرنا چاہوں تو کیا ہوگا؟
یہ ضروری نہیں ہے۔ اپنے WhatsApp اکاؤنٹ کو اکاؤنٹس سنٹر میں شامل کرنا مکمل طور پر اختیاری ہے۔ اگر آپ اپنے WhatsApp اکاؤنٹ کو اپنے Facebook یا Instagram اکاؤنٹس کی طرح ایک ہی اکاؤنٹس سنٹر میں شامل نہیں کرتے، پھر بھی آپ WhatsApp کا استعمال اسی طرح کر سکتے ہیں جیسا کہ آپ ہمیشہ کرتے ہیں۔
اگر میں اپنے WhatsApp اکاؤنٹ کو اکاؤنٹس سنٹر میں شامل کر لوں اور پھر میرا ارادہ بدل جائے تو کیا ہوگا؟
اگر آپ اپنے WhatsApp اکاؤنٹ کو اکاؤنٹس سنٹر میں شامل کرتے ہیں، تو آپ ہمیں اکاؤنٹس سنٹر کے تمام اکاؤنٹس میں آپ کی معلومات کو مختلف Meta کمپنی پراڈکٹس میں یکجا کرنے اور استعمال کرنے کی اجازت دیتے ہیں۔ آپ کسی بھی وقت اپنے WhatsApp اکاؤنٹ کو اکاؤنٹس سنٹر سے ہٹا سکتے ہیں۔
اگر آپ اپنے WhatsApp اکاؤنٹ کو اکاؤنٹس سنٹر سے ہٹا دیتے ہیں تو ہم 7 دنوں کے اندر آپ کے WhatsApp اکاؤنٹ اور اکاؤنٹس سنٹر میں موجود دیگر اکاؤنٹس کے درمیان آپ کی معلومات کو یکجا کرنا بند کر دیں گے۔ اگر آپ اپنا WhatsApp اکاؤنٹ ہٹاتے ہیں، تو آپ کی گزشتہ یکجا کی گئی معلومات اب بھی یکجا رہے گی۔
میں نے 2016 میں Meta کے ساتھ اپنے WhatsApp اکاؤنٹ کی معلومات شیئر کرنے سے آپٹ آؤٹ کر لیا تھا۔ اپنے WhatsApp اکاؤنٹ کو اکاؤنٹس سنٹر میں شامل کرنے سے مجھ پر کیا اثر پڑتا ہے؟
اگر آپ نے 2016 میں Meta اشتہارات اور پراڈکٹ کے تجربات کو بہتر بنانے کے حوالے سے اپنے WhatsApp اکاؤنٹ کی معلومات کو Meta کے ساتھ شیئر کرنے سے آپٹ آؤٹ کیا تھا، تو اپنے WhatsApp اکاؤنٹ کو اکاؤنٹس سنٹر میں شامل کرنے کا مطلب ہے کہ آپ اس شیئرنگ اور اکاؤنٹس سنٹر سے وابستہ تمام شیئرنگ کیلئے آپٹ ان کر رہے ہیں، جیسا کہ اوپر بیان کیا گیا۔