Mga Mamamahayag

Posibleng humarap sa mga online at offline na banta ang mga mamamahayag. Nakatuon kami sa pag-iwas at pagtugon sa mga naturang alalahanin sa kaligtasan. Naglikom kami ng mga mapagkukunan para sa kaligtasan ng mamamahayag at bumuo kami ng gabay sa paglaban sa karahasan online. Sinusuportahan din namin ang pandaigdigang komunidad ng balita sa pamamagitan ng pag-sponsor ng mga programa sa aming Meta Journalism Project.

Mga tagapagtanggol ng mga karapatang pantao

Mahalagang bahagi ng aktibismo ang mga social media platform. Kailangan ng malalim na pag-unawa sa mga pinakamainam na kasanayan sa seguridad pati na rin sa patuloy na pagbabantay para manatiling ligtas. Gusto naming suportahan ang digital na seguridad ng mga tagapagtanggol ng mga karapatang pantao para maipagpatuloy nila ang kanilang trabaho habang inaalagaan ang kanilang mga digital asset.

Alinsunod sa aming misyon na bigyan ang mga tao ng kapangyarihang bumuo ng komunidad at gawing mas malapit ang mundo, bumuo kami ng Corporate na patakaran sa karapatang pantao, na sentral sa aming patuloy na pagtuon sa pag-promote at pagprotekta sa mga karapatang pantao.

Mga pampublikong personalidad

Kailangan ang kaligtasan at seguridad para sa mga indibidwal na pinapanood ng publiko. Totoo ito para sa politikal na kandidatong tumatakbo sa halalan, creator na may lumalaking fan base, o aktibistang nangunguna ng mga online na movement o kahit sa mamamahayag na nag-uulat sa panahon ng krisis. Sineseryoso namin ang mga banta sa kaligtasan ng user at may partikular na mga alituntunin kami para sa mga nasa politika at ibang tungkuling humaharap sa publiko. Hinihikayat namin ang mga pampublikong personalidad na alamin ang mga tool at feature para sa kaligtasan ng bawat platform. Makakatulong itong gumawa ng positibong experience para sa mga pampublikong personalidad at kanilang komunidad.