Binu-bully ang aking anak
Kung binu-bully ang iyong anak, ang unang hakbang ay ang maging isang sumusuporta at nagmamalasakit na takapakinig. Narito ang mga tip para magkaroon ng mga matagumpay na pag-uusap at resource para matulungan ka at iyong anak na pangasiwaan ang pambu-bully.
Maghanda para sa pag-uusap.
Ikaw man ang lalapit sa iyong anak dahil sa pag-aalala na batay sa iyong hinala, o siya man ang lalapit sa iyo, makipag-usap nang may respeto. Magsimula sa pagpili ng naaangkop na oras at espasyo para sa pag-uusap.
Seryosohin ang iyong anak at magtuon sa kung anong ibabahagi niya sa iyo. Nakakaapekto sa iba ang iyong mga pakiramdam, kaya subukang manatiling kalmado, kahit na ibig sabihin nitong kailangan mong tumigil nang sandali bago sumagot.
Tungkulin mong pahupain ang sitwasyon at, kung posible, tumulong na maibalik ang mga positibong relasyon.
Pag-usapan ang problema.
Kapag nagsasalita ang iyong anak, makinig nang may pasensya at nang walang paghuhusga. Iwasang magpalagay ng mga bagay o ibahin ang sinasabi nila. Panatilihing malumanay at kalmado ang iyong boses. Iwasang sisihin ang iyong anak o magsabi ng mga malupit na salita.
Kung magiging mahusgahin o kritikal ka tungkol sa mga aksyong naganap bago ang pambu-bully, posibleng mas hindi magsalita ang iyong anak. Kahit na dapat mong iwasang mangako kung hindi mo ito matutupad, siguruhin sa iyong anak na gusto mong tumulong sa paghahanap ng matagumpay na solusyon.
Posibleng nakakatulong rin na pag-usapan kung nakaranas ka na rin ng pambu-bully. Ang pakikiramay sa sitwasyon ng iyong anak ay maaaring humikayat sa kanyang ibahagi ang nangyari at ang nararamdaman niya tungkol dito.
Kung masama talaga ang loob ng iyong anak, nagpapakita siya ng mga palatandaan ng pananakit sa sarili o pagpapakamatay, o nagbabanta siyang saktan ang ibang tao, humingi kaagad ng tulong. Huwag iwanang mag-isa ang iyong anak kung mukhang gusto niyang magpakamatay. Kontakin ang isang propesyonal tulad ng counselor ng paaralan o doktor ng iyong anak, o isang helpline.
Tumuklas ng mga solusyon nang magkasama.
Kapag malinaw mo nang nauunawaan kung anong nangyayari, tanungin ang iyong anak kung anong gusto niyang gawin at kung paano ka makakatulong. Sa halip na sabihin sa kanya kung anong gagawin, mag-suggest ng mga solusyon at hikayatin siyang gumawa ng mga solusyon para malampasan ang sitwasyon. Kailangang maniwala ang iyong anak sa plano at maramdaman niyang bahagi siya nito para gumana ito.
Kung pumapasok ang taong nambu-bully sa iyong anak sa kanyang paaralan, maaari kang makipag-usap sa counselor o sa principal para ipaalam ito sa kanila. Kung gumagamit sila ng online na platform para i-target ang anak mo, i-report ang nananakit na content sa provider.
Kung seryoso ang sitwasyon o pinagbantaan ang iyong anak, kumilos kaagad. Prayoridad ang kaligtasan ng iyong anak.
Kung nagaganap ang pambu-bully sa social media, gamitin ang aming mga tool sa kaligtasan para limitahan ang mga hindi ninanais na interaction. Matuto pa tungkol sa mga available na tool sa aming mga teknolohiya at kung paano gamitin ang mga ito.
Hindi namin pinapayagan ang pambu-bully sa Meta. Pwede kang mag-report ng nakakapinsalang content anumang oras. Mayroon kaming mga team na 24/7 na sumusuri sa mga report ng pambu-bully at pangha-harass.
I-follow Kami
