1. Kontrolin ang sitwasyon at itigal ang pagsagot. Kung hihilingin ng isang tao na ibahagi mo ang isang bagay na hindi ka komportable, may karapatan kang tumanggi, kahit mayroon ka nang naibahagi dati. Kung may isang taong pinapasama ang loob mo o binabantaan ka, tandaan lamang: sila ang mga taong gumagawa ng mali.
   
   Humingi ng tulong sa halip na magbayad ng pera o sumunod sa namba-blackmail. Bihirang napipigilan ng pakikipagtulungan o pagbabayad ang kanilang mga banta.
   
   
2. Makipag-usap sa isang taong pinagkakatiwalaan mo, tulad ng isang malapit na kaibigan, guro, counselor, o magulang. Napakasama ng Sextortion, at ang mga taong pinagdadaanan ito ay karaniwang natatakot magsabi sa kanilang mga kaibigan. Sabihin sa iyong pinakamalapit na mga kaibigan na kung sakaling mangyari ito sa kanila, nandyan ka para sa kanila, hindi mo sila huhusgahan, at susuportahan mo sila. Para sa suporta sa US, i-text ang “TRUST” sa 741741 para kontakin ang live na Crisis Text Line counselor. Kung nakatira ka sa labas ng US, pakibisita ang global crisis support na seksyon ng aming Safety Center para makahanap ng mga organisasyong malapit sa iyo na posibleng makapagbigay ng live support
   
   
3. I-report ang sextortion at i-block ang person. Labag sa aming mga patakaran na mag-share ng mga intimate na litrato o video laban sa kagustuhan ng isang tao, at posible itong labag sa batas. I-report ang anumang pagbabanta at mga larawan kung na-share ang mga ito. Pwede mo ring i-block ang tao na nagbabanta sa iyo. Para alamin kung paano mag-report ng content, bisitahin ang aming mga help center para sa Facebook at Instagram. Pwede ka ring makipag-ugnayan sa isang lokal na hotline gamit ang InHope Network para gumawa ng report o humingi ng tulong. Kontakin ang lokal na nagpapatupad ng batas kung nasa panganib ka at kailangan mo ng agarang tulong.
   
   
4. Mag-submit ng case na may anumang larawan o video mo sa Take It Down. Ito ay isang libreng serbisyo para tulungang mapigilan ang paglaganap ng mga intimate na larawan at video. Pwede kang manatiling anonymous at hindi mo kailangang ipadala ang iyong mga larawan o video sa sinuman.
   
   
5. Huwag mag-forward ng mga litrato o video. Huwag mag-share ng mga intimate na larawan o video ng mga tao. Posible ka ring ituring na legal na responsable kung ipo-forward mo ang mga larawang ito, depende sa mga batas sa iyong bansa.
   
   
6. Ang minanipula o AI-generated na content ay lumalabag sa aming mga patakaransa parehong paraan na ginagawa ng ibang content. Kung ikaw ay pinagbabantaan ng content na ginagawa gamit ang AI, i-report ito sa tech na kumpanya at mag-submit ng case sa pamamagitan ng Take It Down.

Intindihin ang isyu.

Ang sextortion ay kapag ang isang tao ay online na nagbabanta na mag-share ng malaswa (hubad o sekswal) na mga larawan o video hanggang hindi mo sinusunod ang kanilang mga demand. Madalas na kasama sa mga demand na ito ang pagpapadala ng pera, pagkuha ng mga hubad o sekswal na larawan o video, o iba pang ilegal na aktibidad. Ang mga pagbabantang ito ay mula sa iba't ibang uri ng mga tao, halimbawa, mga hindi kilalang tao na nakilala mo online, isang taong nagpapanggap bilang ibang tao online, at mga dating romantiko o sekswal na partner.

Ang ilan sa mga red flag na ang isang mensahe ay posibleng sextortion ay: sasabihin ng tao na “Ipapakita ko sa iyo ang akin kung ipapakita mo ang sa iyo,” nagpapanggap ang tao bilang galing sa isang modeling na agency at humihingi ng mga litrato, gumagamit ang taong iyon ng mga larawan na na-photoshop para magmukhang totoo, nais ng taong iyon na mabilis na bumuo ng isang romantikong relasyon, o gumagamit sila ng maraming (pekeng) pagkakakilanlan para kontakin ka. Kung napakaganda nitong pakinggan upang maging totoo, marahil ay dahil hindi iyon totoo.

Huwag mag-panic.

Hindi mo ito kasalanan. Hindi ka nag-iisa at kaya mo itong pangasiwaan.

Kung hihilingin sa iyo ng isang tao na ibahagi ang isang bagay na hindi ka komportable, may karapatan kang tumanggi, kahit mayroon ka nang ibinahagi dati sa kanila. Kung pinasasama nila ang loob mo, tandaan lang: sila ang gumagawa ng maling bagay.

Pro-tip: Kung mayroong nakakaalam ng iyong password, baguhin kaagad ito para panatilihin ang iyong privacy.

Makipag-usap sa isang taong pinagkakatiwalaan mo.

Makipag-ugnayan sa isang malapit na kaibigan, guro, counselor o magulang. Hindi alam kung paano ito sasabihin? Puwede kang magsimula ng isang pag-uusap na katulad nito: "Mayroong nangyayari sa buhay ko na kailangan ko ng tulong. HIndi ako sigurado kung sino ang kakausapin. Kung sasabihin ko sa iyo, matutulungan mo ba akong malaman kung ano ang gagawin?"

“Ang pakikipag-ugnayan ang pinakamagandang bagay na pwede mong gawin. Gusto ng mga tao sa paligid mo kung ano ang pinakamabuti para sa iyo. Pwede silang magalit sa simula, pero sa huli, mamahalin ka pa rin nila... Posible rin silang magtamo ng respeto dahil sa iyong lakas ng loob." - Babae, 18, sextortion survivor

I-report ito.

Labag sa aming mga patakaran na i-share, pagbantaan o puwersahin ang mga tao na mag-share ng mga intimate na litrato o video. Inaaksyunan namin ang mga taong gumagawa nito kapag nalalaman namin ito. Sa ilang pagkakataon, labag din ito sa batas. Para alamin kung paano mag-report ng content, kasama ang mga mensahe, bisitahin ang aming mga help center para sa Facebook at Instagram. Kontakin ang lokal na nagpapatupad ng batas kung nasa panganib ka at kailangan mo ng agarang tulong. Alamin pa ang tungkol sa mga tool para sa kaligtasan ng Meta para tulungan kang manatiling ligtas.

Pigilan ang pagpapakalat ng mga larawan at video.

Mag-submit ng case na may anumang larawan o video mo sa Take It Down. Ito ay isang libreng serbisyo para tulungang mapigilan ang paglaganap ng mga intimate na larawan at video. Pwede kang manatiling anonymous at hindi mo kailangang ipadala ang iyong mga larawan o video sa sinuman.

I-save ang lahat.

I-block ang namba-blackmail, pero huwag i-delete ang iyong profile o mga message. Malamang para itong kabaligtaran ng iniisip mo, pero i-save ang lahat ng sinabi sa iyo at sinabi mo. Makakatulong ito na ipakita sa isang tao kung ano ang nangyari sa halip na umaasa lang sa iyong memory. I-save ang lahat, kung sakali.

Humingi ng tulong.

Tingnan ang seksyong suporta sa krisis para maghanap ng mga organization na malapit sa iyo na matutulungan ka. Pwede ka ring makipag-ugnayan sa isang lokal na hotline gamit ang InHope Network para gumawa ng report o humingi ng tulong. Kung wala ka pang 18 taong gulang sa mga larawan, tandaan na sabihin ito sa helpline, dahil nakakatulong ito sa mga tao na malaman na legal kang menor de edad at gumawa ng mas agresibong aksyon.