Ano ang dapat gawin kung inakusahan kang nambu-bully
Kung may tatawag sa iyong bully, palatandaan ito na hindi okay ang iyong ikinilos. Ang pag-amin sa hindi magandang pag-uugali ay pinagyayaman ang integridad at pananagutan. Ituring ang sitwasyon bilang oportunidad na ayusin ang mga kaugnayan sa mga nasaktan mo.
Matutong humingi ng paumanhin para sa pambu-bully.
Ang pinakamagandang paraan para humingi ng paumanhin ay sa pamamagitan ng pagiging tapat. Maglaan ng panahon para pag-isipan ang sinabi o ginawa mo, at kung bakit nainis ang taong sinabihan o ginawan mo nito. Kung hindi ka sigurado kung bakit nakasakit ang mga bagay na sinabi mo, humingi ng paumanhin at humingi ng tulong sa pag-unawa. Ipaalam sa taong iyon na mas mag-iingat ka na at hindi mo na uulitin ang asal na pambu-bully.
Kung natatakot kang humingi ng paumanhin o hindi ka komportableng mag-isang ayusin ang relasyon, humingi ng gabay sa isang pinagkakatiwalaang nasa hustong gulang o kaibigan.
Magpasensya.
Huwag mong asahang patatawarin ka kaagad. Maaaring kailangan ng panahon ng nasaktang tao na pag-isipan ang iyong paumanhin. O maaaring nahihirapan siyang pagkatiwalaan ka.
Baguhin ang iyong asal.
Bigyan ng panahon at espasyo ang taong nasaktan mo sa pamamagitan ng pagtuon ng pansin para mapaganda ang iyong asal. Pag-isipan ang sasabihin o gagawin mo at kung paano ito makakaapekto sa ibang tao. Patuloy na tratuhin nang may paggalang ang sarili mo at ang ibang tao.
Kung may masasaksihan kang binu-bully, gawin ang mga hakbang para manghimasok o suportahan ang taong pinupuntirya.
I-follow Kami
