Alam namin ang maaaring maging epekto ng mga scam sa mga tao sa buong mundo dahil tina-target sila ng mga scammer sa internet. Para tulungang protektahan ang aming mga user, nag-iinvest kami sa aming mga produkto at mga support system para mapigilan ang mga scammer.

Pananatiling ligtas sa mga scam online

Palagi kaming nagsusumikap na makita at ma-block ang mgascam na sinasadyang manlinlang, magsinungaling, mandaya at manamantala ng mga tao para sa pera o property.

Bagaman mas nauna sa internet ang mga scam, sa ngayon, tina-target ng mga scammer ang mga tao sa internet para subukan at linlangin sila para magbigay ng pera o personal na impormasyon. Maaari nilang subukang magpadala ng phishing email o text message na nagkukunwari bilang kaibigan ng isang kaibigan o lehitimong institusyon, o maaari ka nilang apurahang padalhan ng message sa social media na nagpapanggap na nangangailangang kamag-anak.

1.3 billion

mga inaksyunang fake account

Alam namin na madalas gamitin ng mga scammer ang mga fake account. Noong Q4 2022, nakakita kami ng pagbaba sa inaksyunang account sa 1.3 bilyon mula 1.5 bilyon noong Q3 2022. Inaasahan ang pagtaas at pagbaba sa metrics ng pag-enforce dahil sa lubhang hindi magkakaayon na katangian ng space na ito.

Mag-ingat sa mga karaniwang scam na ito

Palaging nagbabago ang mga scam at ang mga pamamaraan na ginagamit nila para linlangin ang mga tao bilang pagtugon sa mga serbisyo sa internet tulad ng pag-detect at pag-block namin sa mga ito. Para tulungan kang makita nang maaga ang mga ito at maprotektahan ang iyong mga online account, narito ang ilan sa mga pinakabagong scam na nakita namin.

Mga scam tungkol sa investment

Maaaring magbigay ang mga scammer ng magagandang investment opportunity tulad ng mga murang loan o mga cryptocurrency scheme. Mangangako sila ng mabilisang pera, mababang panganib, at matataas na return, at sasabihing nag-iinvest din sila sa parehong proyekto. Pagkatapos, hihilingin nila sa iyong mag-transfer ng pera o cryptocurrency para tapusin ang deal.

Paano ito makikita: Mag-ingat kung pipilitin ka nilang gumawa ng mabilisang desisyon. Kung mangangako sila ng mataas na return na may kaunting panganib, malamang masyadong hindi kapani-paniwala ang deal.

Mga scam sa pag-ibig:

Madalas gumagamit ang mga scammer ng mga litrato at bumubuo ng mga fake na persona, at maaaring makipag-ugnayan sa pamamagitan ng mga dating site o social media para maingat na pagyamanin ang isang romantikong relasyon. Madalas nagdadahan-dahan sila para bumuo ng tiwala bago nila subukang linlangin ka na padalhan sila ng pera (halimbawa para bumili ng airplane ticket para bisitahin sila) o sensitibong personal na impormasyon.

Paano ito makikita: Ang mga account na ito ay madalas na lumabas na hindi kapani-paniwala. Tingnan kung nagtatanong sila ng maraming personal na tanong nang walang ibinabahagi na tungkol sa kanila. Iwasang gumastos ng pera o magbahagi ng personal na impormasyon sa kahit na sino na hindi mo nakilala sa personal.

Mga scam ng mga fake na produkto o serbisyo

Ang mga scammer ay maaaring mag-run ng mga pambihirang website at mga social media page na nag-aalok ng mga produkto o serbisyo sa mga presyong “hindi kapani-paniwala.” Maaari nilang hingiin ang mga detalye ng iyong credit card at ang address ng iyong bahay at pagkatapos, sisingilin ka para sa mga produktong hindi naman darating.

Paano ito makikita: Tingnang mabuti ang kanilang mga review at comment para malaman kung ano ang sinasabi ng ibang tao tungkol sa kanilang mga experience. Maghinay-hinay kung mukhang hindi kapani-paniwala ang mga inaalok.

Mga scam ng nangangailangang kaibigan

Ang mga scammer ay maaaring apurahang mag-text o mag-email sa iyo, sasabihin na isa siyang kaibigan o isang tao na kilala mo, na kailangan na kailangan ng pera o ng sensitibong pinansyal o personal na impormasyon para makalusot sila sa problema.

Paano ito makikita: Tanungin mo ang iyong sarili kung ang request ng kaibigan mo ay biglaan. Kung hindi ito karaniwan, direktang tawagan ang iyong kaibigan para makumpirma kung sa kanya galing ang request.

Mga scam ng user support

Maaari kang padalhan ng mga scammer ng mukhang credible na email o social media message para magbigay ng customer support sa pamamagitan ng pagpapanggap na nagtatrabaho para sa isang kumpanya tulad ng Meta. Madalas, sasabihin nilang kailangan mong agad na mag-log in sa iyong account dahil may isyu. Padadalhan ka nila ng phishing link papunta sa isang site na mukhang lehitimo at hihilingin sa iyong ilagay ang iyong login at password, at pati na rin ang two-factor authentication code. Kapag ibinigay mo sa kanila ang impormasyong ito, kukunin nila ang iyong account at maaari itong gamitin para mang-scam ng iba o mag-run ng mga nanlolokong ad.

Paano ito makikita: Maghinala bago maglagay ng iyong mga credential sa pag-log in at password sa social media kapag hiniling sa iyo ng web page o thrid-party app na gawin ito.

Pakitingnan ang aming mga tip at manatiling ligtas online.