Manatiling ligtas
Mahalaga sa amin ang kaligtasan ng aming global community. Mapapanatiling secure ng aming mga tool ang iyong account at protektado ang privacy mo.
Overview
Dapat ligtas at secure ang iyong mga experience sa Meta technologies. Kung makakita ka ng anumang bagay na lumalabag sa aming Mga Pamantayan ng Komunidad, sabihin sa amin. Mag-ingat kung kanino mo sine-share ang iyong impormasyon at tandaang pwede mong i-unfriend o i-block ang isang tao kung inaabala ka niya.
Pagse-share
Araw-araw, nagse-share ang mga tao sa buong mundo ng content sa Meta technologies na nagreresulta sa mga bago at magandang ideya, oportunidad, pagkakaibigan, at pakikipagtulungan.
Mahalagang maging maingat sa kung paano at kung ano ang ibinabahagi mo. Isaalang-alang ang iyong audience at tandaan na ang mga bagay na sine-share mo sa iyong mga kaibigan at follower ay pwede ring ma-share sa iba. Ginagawa naming madali para sa iyo na magdesisyon kung sino ang makakakita sa sine-share mong content, at mayroon kaming mga safety policy na nagbabawal sa mapoot, marahas o tahasang nagpapakita ng sexual content.
Bago ka mag-share, tanungin ang sarili mo:
- Pwede ba itong gamitin ng isang tao para saktan ako?
- Malulungkot ba ako kung shinare ito ng isang tao sa iba?
- Ano ang pinakamalalang bagay na posibleng mangyari kung ise-share ko ito?
Pag-friend at pag-follow
Ang Meta technologies ay isang lugar para makipag-connect sa mga tao at cause na mahalaga sa iyo. Bago i-follow o tanggapin ang isang tao bilang kaibigan, tingnan ang profile ng tao. Nakilala mo na ba siya? Mayroon ba kayong mga parehong kaibigan? Gusto mo ba siyang maging bahagi ng personal community mo?
Pag-unfollow at pag-unfriend
Kapag nag-unfollow ka ng isang tao, hindi mo makikita ang kanyang mga post sa iyong feed. Sa Facebook, magkaibigan pa rin kayo kapag nag-unfollow ka.
Kung pipiliin mong i-unfriend ang isang tao, hindi aabisuhan ng Facebook ang taong iyon, pero aalisin ka sa kanyang listahan ng kaibigan.
Pag-block
Pwede mo ring i-block ang isang tao para i-unfriend siya. Sa pamamagitan nito ay mapipigilan siyang magsimulang makipag-usap sa iyo sa Messenger o Facebook chat o makita ang mga bagay na ipino-post mo sa iyong profile. Bilang karagdagan, hindi na magagawa ng mga taong iba-block mo na i-tag o i-invite ka sa mga event o group.
May parehong resulta ang pag-block, kaya hindi mo rin makikita ang mga bagay na pino-post niya o makakapagsimula ng mag pag-uusap na kasama siya. Kapag na-block mo ang isang tao, hindi namin siya ino-notify.
Pwedeng hindi ka na makatanggap ng mga message, tawag, at update sa status sa WhatsApp mula sa ilang contact sa pamamagitan ng pag-block sa kanila.
I-restrict ang mga account
Ang listahan ng Restricted ay para sa mga taong idinagdag mo bilang kaibigan sa Facebook pero posibleng ayaw mong i-share sa kanila ang lahat. Kapag nagdagdag ka ng isang tao sa iyong listahan ng Restricted, mananatiling kaibigan mo sila, pero ang iyong naka-public na impormasyon lang ang makikita nila (hal., ang iyong mga post at impormasyon sa profile na pinili mong gawing naka-public) at ang mga post kung saan na-tag mo sila.
Sa Instagram, kung ire-restrict mo ang isang tao, hindi nila makikita kung online ka o kung nabasa mo na ang mga message niya. Siya lang ang makakakita ng mga bagong comment niya sa mga post mo. Pwede mong piliin na makita ang comment, at pagkatapos ay i-approve, i-delete, o i-ignore ito. Hindi ka makakatanggap ng anumang notification sa mga gagawing comment mula sa taong iyon.
Mag-manage ng mga comment
Gumamit ng mga tool sa privacy at kaligtasan para kontrolin ang mga comment sa iyong mga post. Pwede mong i-adjust kung sino ang makakapag-comment sa iyong mga post: ang public, mga kaibigan mo lang o partikular lang na mga profile at page. Para i-promote ang ligtas at makabuluhang pag-uusap sa iyong community at iwasan ang pangha-harass, pwede mong itago ang mga comment na naglalaman ng mga partikular na salita. Makakatulong sa iyo ang paggamit ng profanity filter sa iyong Page na maitago ang mga pinakamadalas na i-report na salita at parirala na minarkahan ng community bilang offensive.
Mag-report ng pang-aabuso
Nagsasama kami ng link sa halos bawat bahagi ng content para sa pagre-report ng pang-aabuso, pambu-bully, pangha-harass at iba pang isyu. Nagtatrabaho ang aming mga pandaigdigang team nang 24 na oras sa isang araw, 7 araw sa isang linggo, para suriin ang nire-report mong content. Inaalis namin ang anumang lumalabag sa aming mga patakaran.
Sa Facebook, kung may ni-report ka, may option kang tingnan ang status ng iyong report mula sa iyong Support Inbox. Ikaw lang ang nakakakita ng iyong Support Inbox. Hindi namin isinasama ang anumang impormasyon na tungkol sa tao na nag-file ng report kapag nakikipag-ugnayan kami sa responsableng may-ari ng account.
I-follow Kami
