Pagtugon sa mga hamon ng pagpapakamatay
Mapanganib at lumalabag sa mga patakaran ng Meta ang mga online na hamon sa pagpapakamatay. Alamin kung paano matukoy, maiwasan at mahaharap ang nakamamatay na "mga game" na ito.
Ano ang mga hamon sa pagpapakamatay?
Kasama sa online na mga hamon ng pagpapakamatay o “mga game” ang series ng nakakapinsalang mga gawain na ibinibigay sa mga tao sa isang takdang panahon. Karaniwan, tumitindi ang mga ito, nilalayong matapos sa pagpapakamatay. Nilalayon naming iwasan ang mga hamon na ito sa aming mga platform.
Nilalabag ng mga hamon sa pagpapakamatay ang aming Mga Pamantayan ng Komunidad, at inaalis namin ang content na ito kapag nalaman namin ito. Depende sa mga sitwasyon, aalisin din namin ang (mga) account na nag-share ng content.
Paano haharapin ang mga hamon sa pagpapakamatay kung ikaw ay isang teenager.
Kung makakakita ka ng content na may kaugnayan sa hamon sa pagpapakamatay–o anumang may kaugnayan sa pagpapakamatay–hindi mo kailangang harapin ito nang mag-isa. Makipag-usap sa iyong magulang, tagapag-alaga, guro o pinagkakatiwalaang nasa hustong gulang kung mayroon kang mga alalahanin tungkol sa isang post. Puwede mong isumbong ang content anumang oras.
Kung mahaharap ka sa hamon sa pagpapakamatay sa social media, mag-isip muna bago ka sumali o mag-reshare. Daragdagan nito ang visibility–posibleng lampas sa iyong malapit na grupo–at maaaring ilagay ang iba sa panganib.
Kung makikita mong nagpo-post ang isang kaibigan ng content na may kaugnayan sa pananakit sa sairli o hamon sa pagpapakamatay, tanungin kung okay siya. I-encourage siyang humingi ng suporta at ipaalam sa kanya na maaaring masakit ang pag-share ng content na ito.
Paano dapat tumugon ang mga guro sa mga hamon sa pagpapakamatay.
Bilang guro, ikaw ay pinagkakatiwalaang nasa hustong gulang na may mahalagang tungkulin sa pagsubaybay sa pagpapakamatay. Kasama rito ang pagsubaybay para sa mga hamon sa pagpapakamatay. Isaalang-alang ang mga sumusunod na hakbang at tugon na pang-iwas:
- Turuan ang iyong mga estudyante tungkol sa kaligtasan sa online. Sa pagsasabi sa mga estudyante ng panganib ng pag-share ng mga hamon na ito, mababawasan mo ang mga pagkakataong sumali sila.
- Sabihin sa mga magulang at caregiver ang tungkol sa bantang idudulot ng "mga game" na nakakasakit sa sarili na ito. Ipaalam sa kanila kung ano ang dapat subaybayan at kung paano tutugon kung babanggitin ng kanilang mga anak ang nakakabahalang content. Magbahagi ng mga resource ng kaligtasan sa online tulad ng aming Family Center education hub.
- Manatiling may nalalaman sa mga patakaran ng iyong paaralan at alamin kung anong mga resource sa pag-iwas sa pagpapakamatay ang available sa iyo.
- I-encourage ang iyong mga estudyante na makipag-ugnayan para makakuha ng tulong at suporta. Gawing available sa kanila ang mga resource, para alam nila kung saan pupunta kung sakaling magkaroon ng emergency.
Paano tatalakayin ang mga hamon sa pagpapakamatay sa media.
Ang mga miyembro ng media ay mayroong natatanging responsibilidad na sabihn sa mga caregiver ang mga mapanganib na hamon na ito habang tinitiyak din na hindi magsisimula o magpapaunlad ng interes ang kanilang coverage. Kung ico-cover mo ang hamon sa pagpapakamatay para sa isang istorya, iwasang:
- Ibahagi ang pamagat ng hamon. Ang batang audience na hindi inaasahang malalaman ang pangalan ay mas magiging curious tungkol dito.
- Pagdedetalye sa mga detalye ng hamon, tulad ng mga instruksyon o mga gawain.
- Malawak na coverage. May karagdagang panganib sa posibleng pag-normalize sa mga hamon sa pamamagitan ng overexposure.
Sa halip, i-encourage ang paghingi ng tulong, tulad ng:
- Pagbibigay-diin na mayroong libre at anonymous na suporta.
- Paglilista sa mga babala at factor na nagbibigay ng proteksyon para sa pagpapakamatay.
- Magsama ng mga resource sa kaligtasan sa online.
I-follow Kami
