Sa Meta, ang aming mga pagsisikap na nauugnay sa pagpapakamatay at pananakit sa sarili ay pinapangunahan ng mga lider sa kalusugan ng pag-iisip sa buong mundo sa space na ito. Patuloy kaming umaasa at humihingi ng gabay sa mga eksperto sa pagpigil sa pagpapakamatay para makatulong sa aming maunawaan ang mga kumplikadong isyu sa paligid ng content tungkol sa pagpapakamatay at pananakit sa sarili, at kung paano pinakamabuting harapin ito. Ang mga ekspertong ito mula sa mahigit 20 bansa ay tumutulong sa aming buuin at pahusayin ang aming mga patakaran para matiyak na naaayon ang mga ito sa kasalukuyang research tungkol sa pagpapakamatay habang ginagawa namin ang aming lubos na makakaya para makapag-offer ng suporta sa aming community.

Humantong ang mga regular na konsultasyon na ito sa ilang pagbabago:

• Pinalawak namin ang aming patakaran sa pananakit sa sarili, kaya walang graphic na larawan ng paghiwa ang ipinapakita, kahit na may humihingi ng suporta o nagsasalita tungkol sa kanyang sariling mga karanasan.
• Bina-ban na ng aming patakaran ang mga fictional na content tungkol sa pananakit sa sarili o pagpapakamatay, tulad ng mga meme at ilustrasyon, at content na naglalaman ng mga pamamaraan o materyales.
• Nagpapakita kami ng sensitivity screen tungkol sa gumaling na mga paghihiwa sa sarili para iwasan ang pagtataguyod ng pananakit sa sarili
• Mas mahirap na ngayong maghanap ng ganitong content sa mga Meta app, habang hinahayaan pa rin ang mga tao ng gumawa ng mga koneksyon sa mga Meta platform para suportahan ang kanilang paggaling.
• Nakagawa kami ng mga hakbang para matugunan ang kumplikadong isyu ng content tungkol sa eating disorder sa aming mga platform at napalawak ang aming mga classifier sa space na ito. Ang mga proactive na teknolohiya na ito ay nagbibigay rin sa amin ng kakayahang magpadala ng mga resource ng suporta sa tao na nag-post ng content.