Ouers
By Meta ondersteun ons ouers, versorgers en opvoeders met beleide, hulpbronne en nutsgoed wat help om die veiligheid en welstand van jongmense aanlyn te beskerm.
Ons verbintenis tot kinderbeskerming
Met die riglyne van ’n omvattende stel Gemeenskapstandaarde het Meta zerotoleransiereëls wat misbruik verbied en beleide wat jou kind se veiligheid belangrik ag. Ons bedryfsleidende tegnologieë voorkom, bespeur en verwyder oortredings, en jy kan skadelike inhoud enige tyd rapporteer. Ons bied ook hulpbronne en steun aan gesinne om aanlyn tegnologieë met veiligheid te kan gebruik.
Gesinsentrumhulpbronne
Ons wil ouers en versorgers ondersteun soos hulle hul tieners se aanlyn ervarings begelei. Ons het saam met kundiges gewerk om ’n versameling hulpbronne te bou wat gesprekke tussen versorgers en tieners aanmoedig soos hulle aanlyn veiligheidgewoontes navigeer en ontwikkel.
Veiligheidsnutsgoed
Bykomend tot beleide en hulpbronne bied ons nutsgoed om jongmense aanlyn veilig te hou. Verstaan hoe ons sekuriteit- en privaatheidnutsgoed aanlyn veiligheid kan verbeter.
Toesignutsgoed en -hulpbronne
Ons belê in nutsgoed en hulpbronne wat ontwerp is om ouers, versorgers en tieners te ondersteun in VR en op Instagram. Ons ontplooi ouertoesignutsgoed vir alle Meta Quest-kopstukke. Op Instagram kan ouers en versorgers nou:
- Uitnodigings stuur aan hul tieners om toesignutsgoed te inisieer.
- Spesifieke tye deur die dag of week stel wanneer hulle graag hul tiener se gebruik van Instagram wil beperk.
- Meer inligting sien as hul tiener ’n rekening of plasing rapporteer, insluitende wie gerapporteer is en die tipe rapportering.
Ons voeg ook kenmerke by om tieners te help om hul tyd op Instagram beter te bestuur met nuwe porre en onthounotas om Neem ’n blaaskans te gebruik.
Kom meer te wete oor ouerhulpbronne en -nutsgoed oor alle Meta-tegnologieë heen:
Stop seksuele uitbuiting vir versorgers
Seksuele uitbuiting is die dreigement om intieme foto’s te onthul om jou sover te kry om iets te doen wat jy nie wil nie. Stop seksuele uitbuiting-hulpbronne is vir versorgers wat ondersteuning en inligting soek.
Digitale geletterdheid
Meta is daartoe verbind om digitalegeletterdheid te bevorder. Ons bied ’n gratis digitaleburgerskap- en -welstandprogram wat ontwerp is vir onderwysers, studente, versorgers en ouers om jong mense te help om die vaardighede te ontwikkel wat nodig is om vandag se digitale wêreld te navigeer en daarin te floreer.
Afknoueryvoorkoming
Afknouery en teistering word nie op Meta-tegnologieë toegelaat nie. Ons werk daaraan om misbruike te voorkom en aan te spreek en ons bied nutsgoed aan om jou te help om jou ervaring te beheer.
Digitale welstand
Digitale welstand is deel van jou gesin se algehele gesondheid. Sien ons gids, wat ontwikkel is deur die Digital Wellness Lab by die Boston Children's Hospital, vir advies oor mediagebruik volgens kinderouderdomsgroep en wat ondersteun is deur kundiges. Elke afdeling bevat uitvoerbare wenke vir algemene mediaverwante gesondheidskwesssies, en word gekomplementeer met wetenskapgebaseerde konteks.
Kundige raadgewers
Ons werk saam met die voorste kundiges, vertroude organisasies, ouers en jong mense in ons gedeelde missie om positiewe aanlyn ervarings vir gesinne te bou. Ons verskaf ouderdomgepaste beveiliging en verken deurentyd innoverende tegnologieë om te help om jongmense veilig te hou.
Meta se jeugadviseurs is ’n groep kundiges op die gebiede van aanlyn veiligheid, kinderontwikkeling en kindermedia wat hul kennis, navorsing en leiding deel. Jeugadviseurs help om ons werk te rig deur terugvoer te gee oor die ontwikkeling van nuwe produkte en beleide vir jongmense. Ons organiseer ook werkswinkels met ouers en tieners om terugvoer en leiding te kry, wat ons help om beter produkte te bou.
