Voorkom afknouery en teistering
By Meta neem ons situasies waarin afknouery en teistering voorkom, ernstig op. Afknouery en teistering is ’n unieke uitdaging en een van die mees komplekse kwessies om aan te spreek omdat die konteks kritiek is. Ons werk hard daaraan om teen hierdie inhoud weerstand te bied terwyl ons gemeenskap ook met nutsgoed toegerus word om hulleself op maniere te beskerm wat die beste vir hulle werk. Ons skep ook altyd nuwe hulpbronne en nutsgoed, en hersien beleide met die hulp van kundiges om voortdurend dié saak te takel.
Misbruik van intieme prente en seksuele uitbuiting
Om intieme prente sonder toestemming te deel – of om te dreig om dit te doen – is teen Meta se beleide. Vind uit watter stappe jy kan doen om die prente te verwyder, om te voorkom dat dit gedeel of herdeel word, en hoe om ondersteuningsdienste te kry.
Seksuele uitbuiting is wanneer iemand dreig om intieme prente bekend te maak om jou sover te kry om iets te doen wat jy nie wil nie. Die Stop Seksuele Uitbuiting-sentrum, wat ontwikkel is in vennootskap met Thorn, bied hulpbronne vir die mense wat met seksuele uitbuiting gedreig word.
Voorkom afknouery
Hulpbronne oor hoe om afknouery te voorkom kan tieners, ouers en opvoeders help wat ondersteuning soek vir sake wat verband hou met afknouery. Ons werk saam met kundiges oor hoe om afknouery te voorkom om mense te ondersteun wat afgeknou word en gee leiding aan ouers, versorgers en opvoeders wat ’n tiener het wat betrokke is by afknouery.
As jy afgeknou word, of iemand ken wat afgeknou word, of as jy daarvan beskuldig word dat jy mense afknou, kan hierdie hulpbronne jou help.
Hulpbronne vir voorkoming van afknouery
Vir tieners
Vir ouers
Vir opvoeders
Vir tieners
Om afgeknou te word, kan ’n mens bang maak en oorweldigend wees. Dis nuttig om te weet watter hulpbronne beskikbaar is om afknouery te voorkom en te beveg.
Vir ouers
Dit kan oorweldigend wees om te weet waar – of hoe – om te begin as jy uitvind jou kind is afgeknou of is die een wat ander afknou. Hierdie hulpbronne oor afknouery is ontwerp met ouers in gedagte.
Vir opvoeders
As ’n opvoeder verstaan jy hoe belangrik dit is om ’n veilige omgewing te handhaaf waar jou studente kan floreer. Hier is hoe jy proaktief kan optree en voorkomingstrategieë teen afknouery kan implementeer.
Hoe om afknouery te rapporteer
Ons vind en verwyder onvanpaste inhoud met gebruik van ’n kombinasie van gebruikerverslae en tegnologie. Ons het spanne wat 24/7 verslae oor afknouery en teistering in meer as 50 tale nagaan. Op Facebook het ons kunsmatige-intelligensietegnologie het in die eerste kwartaal van 2022 gehelp om op te tree teen meer as 9 miljoen stukke inhoud en het meer as 67% van alle inhoud wat afknouery bevat, proaktief verwyder. In dieselfde tydperk het ons op Instagram opgetree teen meer as 7 miljoen stukke – 83% van die inhoud wat afknouery en teistering bevat het – voordat mense dit gerapporteer het.
Kundiges oor die voorkoming van afknouery
Meta werk saam met wêreldwye leiers om ons hulpbronne oor die voorkoming van afknouery in stand te hou. Kom meer te wete oor elkeen van die organisasies.
Vennote wat saam met ons optree
Ons werk saam met organisasies en stigtings teen afknouery vir die jeug en welstand as deel van ons poging om afknouery op ons platforms te beveg. Omdat ons vennote regoor die wêreld het, kan hulle ons help om voordeel te trek uit hulpbronne en strategieë oor afknouery spesifiek vir ’n gegewe streek. Hier is ’n paar van ons sleutelvennote.
