Ang sextortion ay kapag ang isang tao ay online na nagbabanta na mag-share ng mga explicit (hubad o sekswal) na larawan o video maliban kung matugunan mo ang kanilang mga demand. Madalas na kasama sa mga demand na ito ang pagpapadala ng pera, pagkuha ng mga hubad o sekswal na larawan o video, o iba pang ilegal na aktibidad. Ang mga pagbabantang ito ay mula sa iba't ibang uri ng mga tao, halimbawa, mga hindi kilalang tao na nakilala mo online, isang taong nagpapanggap bilang ibang tao online, at mga dating romantiko o sekswal na partner.

Ang ilan sa mga red flag na ang isang mensahe ay posibleng sextortion ay: sasabihin ng tao na “Ipapakita ko sa iyo ang akin kung ipapakita mo ang sa iyo,” nagpapanggap ang tao bilang galing sa isang modeling na agency at humihingi ng mga litrato, gumagamit ang taong iyon ng mga larawan na na-photoshop para magmukhang totoo, nais ng taong iyon na mabilis na bumuo ng isang romantikong relasyon, o gumagamit sila ng maraming (pekeng) pagkakakilanlan para kontakin ka. Kung napakaganda nitong pakinggan upang maging totoo, marahil ay dahil hindi iyon totoo.

Hindi mo ito kasalanan. Hindi ka nag-iisa at kaya mo itong pangasiwaan.

Kung hihilingin sa iyo ng isang tao na ibahagi ang isang bagay na hindi ka komportable, may karapatan kang tumanggi, kahit mayroon ka nang ibinahagi dati sa kanila. Kung pinasasama nila ang loob mo, tandaan lang: sila ang gumagawa ng maling bagay.

Pro-tip: Kung mayroong nakakaalam ng iyong password, baguhin kaagad ito para panatilihin ang iyong privacy.

Makipag-ugnayan sa isang malapit na kaibigan, guro, counselor o magulang. Hindi alam kung paano ito sasabihin? Puwede kang magsimula ng isang pag-uusap na katulad nito: "Mayroong nangyayari sa buhay ko na kailangan ko ng tulong. HIndi ako sigurado kung sino ang kakausapin. Kung sasabihin ko sa iyo, matutulungan mo ba akong malaman kung ano ang gagawin?"

“Ang pakikipag-ugnayan ang pinakamagandang bagay na puwede mong gawin. Gusto ng mga tao sa paligid mo kung ano ang pinakamabuti para sa iyo. Puwede silang magalit sa simula, pero sa huli, mamahalin ka pa rin nila... Posible rin silang magtamo ng respeto dahil sa iyong lakas ng loob.” - Babae, 18, sextortion survivor

Labag sa aming mga patakaran na i-share, pagbantaan o puwersahin ang mga tao na mag-share ng mga intimate na litrato o video. Inaaksyunan namin ang mga taong gumagawa nito kapag nalalaman namin ito. Sa ilang pagkakataon, labag din ito sa batas. Para alamin kung paano mag-report ng content, kasama ang mga mensahe, bisitahin ang aming mga help center para sa Facebook at Instagram. Kontakin ang lokal na nagpapatupad ng batas kung nasa panganib ka at kailangan mo ng agarang tulong. Alamin pa ang tungkol sa mga tool sa kaligtasan ng Meta para tulungan kang manatiling ligtas.

Mag-submit ng case na may anumang larawan o video mo sa Take It Down. Ito ay isang libreng serbisyo para tulungang mapigilan ang paglaganap ng mga intimate na larawan at video. Puwede kang manatiling anonymous at hindi mo kailangang ipadala ang iyong mga larawan o video sa sinuman.

I-block ang namba-blackmail, pero huwag i-delete ang iyong profile o mga message. Malamang para itong kabaligtaran ng iniisip mo, pero i-save ang lahat ng sinabi sa iyo at sinabi mo. Makakatulong ito na ipakita sa isang tao kung ano ang nangyari sa halip na umasa lang sa iyong memory. I-save ang lahat para sa kung sakaling kailangan ito.

Tingnan ang page ng suporta sa krisis para maghanap ng mga organization na malapit sa iyo na matutulungan ka. Maaari ka ring makipag-ugnayan sa iyong lokal na hotline sa pamamagitan ng InHope Network para gumawa ng report o makakuha ng tulong. Kung wala ka pang 18 taong gulang sa mga larawan, tandaan na sabihin ito sa helpline, dahil nakakatulong ito sa mga tao na malaman na legal kang menor de edad at gumawa ng mas agresibong aksyon.