လိင်ပိုင်းဆိုင်ရာအမြတ်ထုတ်ခြင်းဆိုသည်မှာ သင်ဆန္ဒမရှိသောအရာများကို လုပ်ဆောင်စေရေးအတွက် ဖိအားပေးရန် အတွင်းရေးဓာတ်ပုံများ ဖော်ထုတ်မည်ဟု ခြိမ်းခြောက်ခြင်း ဖြစ်ပါသည်။ သဘောတူညီချက်မပါဘဲ အတွင်းရေးဓာတ်ပုံများအား မျှဝေခြင်း သို့မဟုတ် မျှဝေရန် ခြိမ်းခြောက်ခြင်းသည် Meta ၏ မူဝါဒများနှင့် ဆန့်ကျင်နေပါသည်။ မည်သူတစ်ဦးတစ်ယောက်မှ လိင်ပိုင်းဆိုင်ရာအမြတ်ထုတ်ခြင်းကို ဘယ်သောအခါမှ မတွေ့ကြုံရသင့်ပါ။ ဤကဲ့သို့ အပြုအမူကို ကျွန်ုပ်တို့ တားဆီးရန် လုပ်ဆောင်ပြီး ကျွန်ုပ်တို့သတိပြုမိသည့်အခါတွင် အရေးယူဆောင်ရွက်ဖို့ လုပ်ဆောင်ပါသည်။ ဤစာမျက်နှာတွင် အလွဲသုံးစားပြုမှုကို ကျွန်ုပ်တို့ တိုက်ဖျက်ရန် ဆောင်ရွက်ပုံနှင့် သင့်တွင် ဤကဲ့သို့ဖြစ်ပေါ်ပါက သင့်အနေဖြင့် မည်ကဲ့သို့ ချက်ချင်းအရေးယူဆောင်ရွက်နိုင်သည်နှင့်ပတ်သက်သော အချက်အလက်များ ပါရှိပါသည်။

လိင်ပိုင်းဆိုင်ရာအမြတ်ထုတ်ခြင်းကို ချေမှုန်းတိုက်ဖျက်ရန် Meta ၏ လုပ်ဆောင်ချက်

တစ်စုံတစ်ဦးသည် သင်မလိုလားသော တစ်စုံတစ်ရာ ဥပမာအနေဖြင့် ပိုက်ဆံပို့ရန်၊ နောက်ထပ်ဓာတ်ပုံများပေးပို့ရန် သို့မဟုတ် လိင်ဆက်ဆံရန်အတွက် ခြိမ်းခြောက်သည့်အနေဖြင့် ကိုယ်ရေးကိုယ်တာ အတွင်းရေးဓာတ်ပုံတစ်ပုံကို အသုံးပြုဖို့ ကြိုးပမ်းပါက ၎င်းသည် လိင်ပိုင်းဆိုင်ရာအမြတ်ထုတ်ခြင်းဟုခေါ်ဆိုသော ပြစ်မှုမြောက်ပါသည်။ ဤအလွဲသုံးစားပြုမှုကို တားဆီးချေမှုန်းတိုက်ဖျက်၍ ဤပြစ်မှုကျူးလွန်သူများ အန္တရာယ်ပေးခြင်းမှ တားဆီးရန် အကာအကွယ်များနှင့် နည်းပညာတို့ကို ကျွန်ုပ်တို့ ဖန်တီးတည်ဆောက်ထားပါသည်။

စိတ်ဝင်စားဖွယ်ရာများ

ကျွန်ုပ်တို့၏ မူဝါဒများနှင့် စည်းကမ်းထိန်းသိမ်းမှု
မလိုလားသော အဆက်အသွယ်ကို ကျွန်ုပ်တို့ တားဆီးပုံ
လူများကို အသိပညာပေးပုံ
ကျွမ်းကျင်မိတ်ဖက်များ
ကိရိယာများနှင့် အရင်းအမြစ်များ

ကျွန်ုပ်တို့၏ မူဝါဒများနှင့် စည်းကမ်းထိန်းသိမ်းမှု

ကျွန်ုပ်တို့တွင် တစ်စုံတစ်ဦး၏ အတွင်းရေးဓာတ်ပုံများကို မျှဝေခြင်း သို့မဟုတ် မျှဝေရန် ခြိမ်းခြောက်ခြင်းအပါအဝင် လူများကို အလွဲသုံးစားပြုလုပ်သည့် အကြောင်းအရာ သို့မဟုတ် အပြုအမူကို ဆန့်ကျင်သော တင်းကျပ်သည့် စည်းမျဉ်းများရှိပါသည်။ ကျွန်ုပ်တို့၏ စည်းမျဉ်းများကို ဖောက်ဖျက်သည်ဟု ယူဆသော အကြောင်းအရာကို တွေ့ရှိသူ မည်သူမဆို ၎င်းကို တိုင်ကြားရန် အားပေးတိုက်တွန်းလိုပြီး တစ်စုံတစ်ဦးသည် အမြင်မတော်သောဓာတ်ပုံများကို မျှဝေနေပါက ကျွန်ုပ်တို့အနေဖြင့် သီးသန့်တိုင်ကြားရန်ရွေးချယ်စရာကို အသုံးပြုဖို့ထားရှိပါသည်။ ဤအကြောင်းအရာကို ကျွန်ုပ်တို့ သတိပြုမိလာပါက အရေးယူဆောင်ရွက်ရန် လုပ်ဆောင်ပါသည်။

ကျွန်ုပ်တို့တွင် လိင်ပိုင်းဆိုင်ရာအမြတ်ထုတ်ခြင်းကို ချေမှုန်းတိုက်ဖျက်ရန် အလုပ်လုပ်သော အထူးသီးသန့်အဖွဲ့များရှိပါသည်။ ဤအပြုအမူနှင့်ဆက်စပ်နေသည့် ပုံနမူနာများကို ကျွန်ုပ်တို့ ဖော်ထုတ်ပြီး ဤအကောင့်များကို အတိုင်းအတာတစ်ခုအထိ ထောက်လှမ်းဖယ်ရှားရန် အလိုအလျောက် စနစ်များကို ဖန်တီးတည်ဆောက်ထားပါသည်။ ဤပြစ်မှုကျူးလွန်သူများကို စုံစမ်းစစ်ဆေး၍ ဖယ်ရှားရန်အတွက် သီးသန့်အဖွဲ့များကိုလည်း ထားရှိပြီး လိုအပ်ပါက ဥပဒေစိုးမိုးရေးအပြင် ပျောက်ဆုံးကလေးငယ်များနှင့် အမြတ်ထုတ်ခံရသော ကလေးငယ်များအတွက် အမျိုးသားစင်တာ (NCMEC) အပါအဝင် အာဏာပိုင်များထံ ထိုသူများကို တိုင်ကြားပါသည်။ ကျွန်ုပ်တို့သည် NCMEC အပြင် နိုင်ငံတကာတရားမျှတရေးအဖွဲ့ကဲ့သို့ မိတ်ဖက်များနှင့်အတူ ဤကဲ့သို့အမှုအမျိုးအစားများကို ဖော်ထုတ်ရန်၊ စုံစမ်းစစ်ဆေးရန်နှင့် တုံ့ပြန်ရန်အတွက် ကမ္ဘာတစ်ဝှမ်းရှိ ဥပဒေစိုးမိုးရေးကို ကူညီလေ့ကျင့်ပေးရန် ပူးပေါင်းဆောင်ရွက်ပါသည်။

မလိုလားအပ်သော အဆက်အသွယ်ကို ကျွန်ုပ်တို့ တားဆီးပုံ

ကျွန်ုပ်တို့သည် မလိုလားအပ်သောအဆက်အသွယ်၊ အထူးသဖြင့် အရွယ်ရောက်ပြီးသူများနှင့် ဆယ်ကျော်သက်များကြား အဆက်အသွယ်ကို တားဆီးခြင်းဖြင့် လူများအား လိင်ပိုင်းဆိုင်ရာအမြတ်ထုတ်ခြင်းမှကာကွယ်ရန် လုပ်ဆောင်ပါသည်။ ဤအရာကို နည်းလမ်းမျိုးစုံဖြင့် လုပ်ဆောင်ပါသည် -

ကျွန်ုပ်တို့သည် ဆယ်ကျော်သက်များ Instagram တွင် ပါဝင်သည့်အခါ ၁၆ နှစ်အောက် (နှင့် အချို့သောနိုင်ငံများတွင် အသက် ၁၈ နှစ်အောက်) ဆယ်ကျော်သက်များ၏ အကောင့်များကို သီးသန့်အဖြစ် အလိုအလျောက် သတ်မှတ်ပါသည်။ ဆယ်ကျော်သက်များကို အမည်ကတ်တွဲရန်ဖြစ်စေ၊ ရည်ညွှန်းရန်ဖြစ်စေ၊ Reels ရောသမမွှေများ သို့မဟုတ် လမ်းညွှန်များတွင် သူတို့၏အကြောင်းအရာကို ထည့်သွင်းရန်ဖြစ်စေ ဆယ်ကျော်သက်များမှ စောင့်ကြည့်ထားခြင်းမရှိသော လူများက ဤကဲ့သို့ လုပ်ဆောင်ခြင်းကိုလည်း ပုံသေအားဖြင့် ကျွန်ုပ်တို့ ခွင့်မပြုထားပါ။ ဤနည်းလမ်းများမှာ အရွယ်ရောက်ပြီးသူများထံမှ လူငယ်များမသိသော အကြောင်းအရာများ သို့မဟုတ် သူတို့မသိလိုသောအကြောင်းအရာများ ကြားသိရခြင်းမှာ ကာကွယ်ရာတွင် အထောက်အကူပြုသော အကောင်းဆုံးနည်းလမ်းများထဲမှ အချို့ဖြစ်သည်။ ဆယ်ကျော်သက်များနှင့် အရွယ်ရောက်ပြီးသူများနှစ်ဦးစလုံး ရရှိနိုင်သော သီးသန့်အကောင့်များသည်လည်း အခြားသူများအား လိင်ပိုင်းဆိုင်ရာအမြတ်ထုတ်ဖို့ ကြိုးစားနေသည့် လူများက ထိန်းချုပ်ရန်ကိရိယာတစ်ခုအဖြစ် အသုံးပြုနိုင်သော သူငယ်ချင်း/စောင့်ကြည့်သူ စာရင်းများကို မြင်တွေ့ရခြင်းအား ကာကွယ်တားဆီးပါသည်။
Instagram နှင့် Messenger တို့တွင် ဆယ်ကျော်သက်များနှင့် ချိတ်ဆက်ထားခြင်းမရှိသော အသက် ၁၈ နှစ်အထက် အရွယ်ရောက်ပြီးသူများမှ သီးသန့်စကားဝိုင်းများစတင်ခြင်းကို တားမြစ်ထားသည်။
လူများသည် သူတို့ကို စောင့်ကြည့်မထားသည့် တစ်စုံတစ်ဦးထံ သို့မဟုတ် သူတို့နှင့် ချိတ်ဆက်ထားခြင်းမရှိသူထံ မက်ဆေ့ပို့ခွင့် တောင်းဆိုမှုများကို စာသားသီးသန့်မက်ဆေ့အဖြစ်သာ ပေးပို့နိုင်ရန် ကျွန်ုပ်တို့ကန့်သတ်ထားပါသည်။ လက်ခံရရှိသူသည် စကားဝိုင်းဖွဲ့ရန် တောင်းဆိုချက် လက်ခံခြင်းမပြုသရွေ့ လူများသည် ထိုသူအား ဓာတ်ပုံများ၊ ဗီဒီယိုများ သို့မဟုတ် အသံမှတ်ချက်များ ပေးပို့နိုင်မည်မဟုတ်ပါ။ (ကျွန်ုပ်တို့၏ နောက်ဆုံး မူဝါဒများကို ထင်ဟပ်စေရန် နိုဝင်ဘာလ ၂၅ ရက်နေ့ ပစိဖိတ်စံတော်ချိန် မွန်းလွဲပိုင်း ၂ နာရီ ၃၀ မိနစ်တွင် အပ်ဒိတ်လုပ်ခဲ့ပါသည်။)
ကျွန်ုပ်တို့သည် ၁၆ နှစ်အောက် (နှင့် အချို့သောနိုင်ငံများတွင် ၁၈ နှစ်အောက်) ဆယ်ကျော်သက်များအတွက် ပို၍တင်းကျပ်သော ပုံသေမက်ဆေ့ဆက်တင်များကိုလည်း မိတ်ဆက်ပေးခဲ့ပါသည်။ ဆိုလိုသည်မှာ ဆယ်ကျော်သက်များကို Instagram နှင့် Messenger တွင် သူတို့ စောင့်ကြည့်နေခြင်းမရှိသော သို့မဟုတ် ချိတ်ဆက်ထားခြင်းမရှိသော သူတစ်ဦးဦးက မက်ဆေ့ပေးပို့ခြင်း သို့မဟုတ် အဖွဲ့ စကားဝိုင်းများတွင် ထည့်သွင်းခြင်းကို ပြုလုပ်နိုင်မည်မဟုတ်ပါ။ ဆယ်ကျော်သက်များအနေဖြင့် သူတို့၏ သီးသန့်မက်ဆေ့များတွင် သူတို့မသိသောသူများထံမှ ကြားသိရမည်မဟုတ်ကြောင်း ပို၍စိတ်ချမှုကိုခံစားရစေရန် ဤကဲ့သို့ ဖန်တီးပုံဖော်ထားခြင်းဖြစ်ပါသည်။
ကျွန်ုပ်တို့သည် သံသယဖြစ်ဖွယ် ဖြစ်နိုင်ခြေရှိသော အရွယ်ရောက်ပြီးသူများမှ ဆယ်ကျော်သက် အကောင့်များကို ရှာဖွေခြင်း၊ စောင့်ကြည့်ခြင်းနှင့် တုံ့ပြန်ဆက်သွယ်ခြင်းကို ရှာဖွေဖော်ထုတ်၍ ကာကွယ်တားဆီးရန်အတွက် နည်းပညာကို အသုံးပြုသလို ဆယ်ကျော်သက်၏ အကောင့်များကိုလည်း အရွယ်ရောက်ပြီးသူများထံတွင် အကြံမပြုပါ။

လူများအား ကျွန်ုပ်တို့ အသိပညာပေးပုံ

ကျွန်ုပ်တို့သည် အချို့သော အရွယ်ရောက်ပြီးသူများက ဆယ်ကျော်သက်များနှင့် တုံ့ပြန်ဆက်သွယ်သည့်အခါ ဆယ်ကျော်သက်များကို ပညာပေးပါသည်။

သံသယဖြစ်ဖွယ် ဖြစ်နိုင်ခြေရှိသော အကောင့်များမှ ဆယ်ကျော်သက်များကို စောင့်ကြည့်ရန် ကြိုးပမ်းလာသည့်အခါ သူတို့ကို အသိပေးပြီး ငယ်ရွယ်သောအသုံးပြုသူများကို ပို၍သတိရှိရန် နှိုးဆော်ပါသည်။
ဖြစ်နိုင်ခြေရှိသော သံသယဖြစ်ဖွယ်အပြုအမူကို လုပ်ဆောင်နေသည့် အရွယ်ရောက်ပြီးသူတစ်ဦးက လူငယ်များကို မက်ဆေ့များဖြင့် တုံ့ပြန်ဆက်သွယ်နေသည့်အခါ သူတို့ကို သတိပေးရန် ကြိုတင်အရေးယူဆောင်ရွက်သော ဖိတ်ခေါ်စာများ သို့မဟုတ် အန္တရာယ်ကင်းရှင်းရေးသတိပေးချက်များ ကျွန်ုပ်တို့တွင် ရှိပါသည်။ ဥပမာအားဖြင့် အသက် ၁၈ နှစ်အောက် အသုံးပြုသူများထံ အရွယ်ရောက်ပြီးသူတစ်ဦးမှ သူငယ်ချင်းဖြစ်ခွင့် တောင်းဆိုချက် အများအပြားပေးပို့နေပါက သူတို့၏ မက်ဆေ့များအတွင်း လက်ခံရရှိသူများကို သတိပေးမည်ဖြစ်ပြီး အဆိုပါအရွယ်ရောက်ပြီးသူအား ပိတ်ပင်ရန်၊ တိုင်ကြားရန် သို့မဟုတ် ကန့်သတ်ရန် ရွေးချယ်ခွင့်တစ်ခုပေးမည်ဖြစ်ပါသည်။

ကျွမ်းကျင်မိတ်ဖက်ပူးပေါင်းမှုများ

ကမ္ဘာတစ်ဝန်း လိင်ပိုင်းဆိုင်ရာအမြတ်ထုတ်ခြင်းကို ချေမှုန်းတိုက်ဖျက်ရန် ကျွန်ုပ်တို့သည် ကျွမ်းကျင်သောမိတ်ဖက်များနှင့် ပူးပေါင်းဆောင်ရွက်ရန် ကတိကဝတ်ပြုထားပြီး ဤလုပ်ငန်းတွင် နှစ်ပေါင်းများစွာတိုင်အောင် နှစ်မြှုပ်ရင်းနှီးထားပါသည်။

ကျွန်ုပ်တို့သည် ၂၀၁၇ ခုနှစ်တွင် Thorn နှင့်အတူ လိင်ပိုင်းဆိုင်ရာအမြတ်ထုတ်ခြင်း ပပျောက်ရေးစတင်ရန် လက်တွဲခဲ့ပြီး ထပ်ဆောင်းဘာသာစကားပေါင်း ၆၀+ ဖြင့် ဘာသာပြန်ဆိုထားသည့် ဤအရင်းအမြစ်များကို ကျွန်ုပ်တို့၏ အန္တရာယ်ကင်းရှင်းရေး စင်တာတွင် ချိန်ညှိရန်အတွက် ၎င်းတို့နှင့် ပူးပေါင်းလုပ်ဆောင်ခဲ့ပါသည်။ ပညာရေးဆိုင်ရာ သင်ထောက်ကူပစ္စည်းများကို ဖန်တီးရန်အတွက် ၎င်းတို့၏ NoFiltr အမှတ်တံဆိပ်နှင့်လည်း ထပ်မံ ပူးပေါင်းဆောင်ရွက်ခဲ့ပါသည်။ ဤအရင်းအမြစ်များကို အတွင်းရေးဓာတ်ပုံများကြား အရှက်ရမှုနှင့် အမည်းစက်ကို လျှော့ချပေးပြီး ဆယ်ကျော်သက်များ ၎င်းတို့ကို မျှဝေမိပါက သို့မဟုတ် လိင်ပိုင်းဆိုင်ရာအမြတ်ထုတ်ခြင်းကို တွေ့ကြုံနေရပါက အကူအညီရှာဖွေရန်နှင့် အခြေအနေကို ပြန်လည်ထိန်းသိမ်းနိုင်ဖို့ အားပေးမြှင့်တင်ရန်အတွက် ဖန်တီးပုံဖော်ခဲ့ပါသည်။
Meta သည် သူတို့၏ ကလေးငယ် အန္တရာယ်ကင်းရှင်းရေးဆိုင်ရာ မူဝါဒများကို ချိုးဖောက်သည့် အကောင့်များ၊ အပြုအမူများနှင့် ပတ်သက်သော အချက်ပြမှုများကို မျှဝေရန် နည်းပညာကုမ္ပဏီများကို ပေးအပ်သည့် Tech Coalition မှ စီမံခန့်ခွဲသော Lantern အစီအစဥ်ကို ပျိုးထောင်သူအဖွဲ့ဝင်တစ်ဦးလည်း ဖြစ်သည်။ ကျွန်ုပ်တို့သည် အစီအစဉ်နောက်ကွယ်တွင် ရှိနေသော နည်းပညာပိုင်းဆိုင်ရာ အခြေခံဖွဲ့စည်းမှုစနစ်ကို Tech Coalition အား ထောက်ပံ့ပေးခဲ့ပြီး ၎င်းကို ဆက်လက်ထိန်းသိမ်းထားပါသည်။ ပါဝင်ပတ်သက်နေသော ကုမ္ပဏီများသည် ၎င်းတို့၏ ကိုယ်ပိုင်ပလက်ဖောင်းများပေါ်တွင် စုံစမ်းစစ်ဆေးမှုများ လုပ်ဆောင်ရန်နှင့် အရေးယူဆောင်ရွက်ရန်အတွက် ဤအချက်အလက်များကို အသုံးပြုနိုင်ပါသည်။ အမြတ်ထုတ်သူများသည် မည်သည့်ပလက်ဖောင်းတွင် ကျူးလွန်မည်ဟု ကန့်သတ်ချက်ထားခြင်းမရှိသည်ကို ကျွန်ုပ်တို့ သိသည့်အတွက် ဤကိစ္စမှာ အလွန်အရေးကြီးပါသည်။ ထို့ကြောင့် ကျွန်ုပ်တို့ အတူတကွ ပူးပေါင်းဖြေရှင်းဖို့လိုပါသည်။
Meta သည် ကာကွယ်တားဆီးရေး ကမ်ပိန်းများကို လုပ်ဆောင်နေပြီး လိင်ပိုင်းဆိုင်ရာအမြတ်ထုတ်ခြင်းနှင့် အတွင်းရေးဓာတ်ပုံအလွဲသုံးစားပြုမှုမှ လွတ်မြောက်လာသူများကို ပံ့ပိုးမှုပေးနေသည့် ကျူးလွန်ခံရသူ ထောက်ပံ့အားပေးသူများနှင့် ပရဟိတအဖွဲ့အစည်းပေါင်း ၁၀၀ ကျော်ပါဝင်သော StopNCII.org ၏ ကမ္ဘာ့လုံးဆိုင်ရာ မိတ်ဖက်များကွန်ရက်ကို တိုးချဲ့ရာတွင် ဆက်လက်ကူညီပေးလျက်ရှိပါသည်။

ကိရိယာများနှင့် အရင်းအမြစ်များ

Instagram နှင့် Facebook သည် Take It Down ကို တည်ထောင်သူအဖွဲ့ဝင်များဖြစ်ပြီး ၎င်းသည် AI ဖန်တီးထားသောအကြောင်းအရာအပြင် လူငယ်များ၏ အတွင်းရေးဓာတ်ပုံများ အွန်လိုင်းတွင် ပျံ့နှံ့ခြင်းမှ ကြိုတင်ကာကွယ်မှုပြုလုပ်ရန်အတွက် NCMEC ၏ ပလက်ဖောင်းတစ်ခုလည်းဖြစ်သည်။ အရွယ်ရောက်ပြီးသူများမှ သူတို့၏ အတွင်းရေးဓာတ်ပုံများအား အွန်လိုင်းပေါ်တွင် ပျံ့နှံ့စေခြင်းကို တားဆီးရာတွင် အထောက်အကူဖြစ်စေရန် ကျွန်ုပ်တို့ ဖန်တီးထားသည့် ပလက်ဖောင်းတစ်ခုဖြစ်သော StopNCII.org ၏ အောင်မြင်မှုကို တည်ဆောက်ခြင်းတွင် Take It Down ကြီးထွားလာစေဖို့ ကျွန်ုပ်တို့သည် NCMEC ကို ငွေကြေးအားဖြင့် ပံ့ပိုးမှုပေးခဲ့ပါသည်။ လူများက အကြောင်းအရာချိုးဖောက်မှုဖြစ်နိုင်ခြေရှိကြောင်း တိုင်ကြားလာသည့်အခါ ကျွန်ုပ်တို့၏ အက်ပ်များပေါ်တွင် Take It Down နှင့် StopNCII နှစ်ခုစလုံးကို အလွယ်တကူဝင်ရောက်အသုံးပြုနိုင်အောင် ပြုလုပ်ထားပါသည်။

ကျွန်ုပ်တို့သည် လူများ သူတို့၏ ကိုယ်ပိုင်သက်ဝင်ခံစားမှုကို ထိန်းချုပ်နိုင်စေရန် နည်းလမ်းများကိုလည်း တီထွင်ဖန်တီးပေးထားပါသည်။ ဥပမာ - သူတို့ထံ မက်ဆေ့ပေးပို့နိုင်သူများကို ရွေးချယ်နိုင်သလို သူတို့မကြားမသိလိုသူတိုင်းကို ပိတ်ပင်နိုင်ပါသည်။ ကျွန်ုပ်တို့၏ စည်းမျဉ်းများကို ဖောက်ဖျက်သည်ဟု လူအများ ယူဆသော အကြောင်းအရာကို တိုင်ကြားဖို့ အားပေးတိုက်တွန်းပြီး ဆယ်ကျော်သက်များမှ တစ်စုံတစ်ဦးကို ပိတ်ပင်သည့်အခါမျိုးတွင်ကဲ့သို့ သင့်လျော်သောအချိန်အခိုက်အတံ့များတွင်လည်း တိုင်ကြားဖို့ သူတို့ကို တောင်းဆိုပါသည်။

တစ်ခုခု မှားသွားပါတယ်

၎င်းဗီဒီယိုကို ဖွင့်ရန် အခက်အခဲရှိနေပါသည်။

ပိုမိုလေ့လာရန်

ကျွန်ုပ်တို့၏ အက်ပ်များတစ်လျှောက် ဆယ်ကျော်သက်များနှင့် မိသားစုများ၏ အန္တရာယ်ကင်းရှင်းရေးကို ပံ့ပိုးပေးနိုင်ရန် လုပ်ဆောင်ချက်များနှင့် ကိရိယာပေါင်း ၃၀ ကျော်ကို ကျွန်ုပ်တို့ တီထွင်ဖန်တီးထားပြီး ၎င်းတို့တွင် မိဘများနှင့် အုပ်ထိန်းသူများအတွက် အုပ်ထိန်းမှု ကိရိယာများသာမက လိင်ပိုင်းဆိုင်ရာအမြတ်ထုတ်ခြင်းအကြောင်း အထူးပညာရေးနှင့် အရင်းအမြစ်များလည်း ပါဝင်ပါသည်။ လိင်ပိုင်းဆိုင်ရာအမြတ်ထုတ်ခြင်းနှင့်ဆက်စပ်သော ပံ့ပိုးကူညီမှုနှင့် အချက်အလက်ကို ရှာဖွေနေသူ မည်သူမဆို Thornနှင့်အတူ တီထွင်ဖန်တီးထားသည့် လိင်ပိုင်းဆိုင်ရာအမြတ်ထုတ်ခြင်း ပပျောက်ရေးအရင်းအမြစ်များအပါအဝင် ကျွန်ုပ်တို့၏ ပညာရေးနှင့် သိရှိမှု အရင်းအမြစ်များကိုလည်း ဝင်ကြည့်နိုင်ပါသည်။

လိင်ပိုင်းဆိုင်ရာအမြတ်ထုတ်ခြင်း ပပျောက်ရေး

တစ်ခုခု မှားသွားပါတယ်

၎င်းဗီဒီယိုကို ဖွင့်ရန် အခက်အခဲရှိနေပါသည်။

ပိုမိုလေ့လာရန်

လိင်ပိုင်းဆိုင်ရာအမြတ်ထုတ်ခြင်းနှင့်ဆိုင်သော အရင်းအမြစ်များသည် ပံ့ပိုးကူညီမှုနှင့် အချက်အလက်များ ရှာဖွေနေသူများအတွက် အကူအညီဖြစ်စေပါသည်။ သင် သို့မဟုတ် သူငယ်ချင်းတစ်ဦးမှ လိင်ပိုင်းဆိုင်ရာအမြတ်ထုတ်ခြင်း တွေ့ကြုံနေရပါက သင့်အနေဖြင့် ချက်ချင်းအရေးယူဆောင်ရွက်နိုင်သည့် လုပ်ဆောင်ချက်များအပြင် ဆယ်ကျော်သက်များ၊ မိဘများနှင့် အုပ်ထိန်းသူများအတွက် ကျွမ်းကျင်သူ၏ အကြံပြုချက်များကိုလည်း ဖော်ပြထားပါသည်။

အရင်းအမြစ်များကို ကြည့်ရှုရန်

ခြိမ်းခြောက်မှုများနှင့် ခွင့်ပြုချက်မရှိဘဲ မျှဝေထားသော အတွင်းရေးဓာတ်ပုံများအား Meta သို့ တိုင်ကြားပုံ

ထပ်ပြီးမျှဝေခံရခြင်းကို တားဆီးရန်အတွက် သင်ကိုယ်တိုင်၏ ဝတ်လစ်စားလစ် သို့မဟုတ် လိင်အသားပေး ဓာတ်ပုံများကိုဖြစ်စေ၊ ဗီဒီယိုများကိုဖြစ်စေ ဤဓာတ်ပုံများ သို့မဟုတ် ဗီဒီယိုများကို မျှဝေရန် ခြိမ်းခြောက်မှုများကိုဖြစ်စေ ကျွန်ုပ်တို့၏ အက်ပ်များ သို့မဟုတ် နည်းပညာများပေါ်တွင် တိုင်ကြားနိုင်ပါသည်။ ကျွန်ုပ်တို့၏ အဖွဲ့များသည် ဘာသာစကားပေါင်း ၇၀ ကျော်ဖြင့် ၂၄ နာရီ ၇ ရက်ပတ်လုံး တိုင်ကြားမှုများကို စိစစ်သုံးသပ်ပြီး ချိုးဖောက်နေသော အကြောင်းအရာနှင့် အပြုအမူကို အရေးယူဆောင်ရွက်ပါမည်။ အောက်ပါလင့်ခ်များဖြင့် တိုင်ကြားပုံကို လေ့လာလိုက်ပါ -

Instagram ပေါ်တွင် တိုင်ကြားရန်

Facebook ပေါ်တွင် တိုင်ကြားရန်

Threads ပေါ်တွင် တိုင်ကြားရန်

Messenger ပေါ်တွင် တိုင်ကြားရန်

WhatsApp ပေါ်တွင် တိုင်ကြားရန်

သင်ကိုယ်တိုင်၏ ဝတ်လစ်စားလစ် သို့မဟုတ် လိင်အသားပေး ဓာတ်ပုံဖြစ်စေ၊ ဗီဒီယိုဖြစ်စေ အွန်လိုင်းပေါ်တွင် မျှဝေခံရခြင်းမှ ကာကွယ်တားဆီးပုံ

သင့်တွင် သင်ကိုယ်တိုင်၏ ဝတ်လစ်စားလစ် သို့မဟုတ် လိင်အသားပေး ဓာတ်ပုံဖြစ်စေ၊ ဗီဒီယိုဖြစ်စေ ရှိပါက အွန်လိုင်းပေါ်တွင် ၎င်းတို့ မျှဝေခံရခြင်း သို့မဟုတ် ထပ်ပြီးမျှဝေခံရခြင်းမှ ကာကွယ်တားဆီးနိုင်ရန် ကိရိယာများ ရှိပါသည် -

သင်သည် ဓာတ်ပုံ သို့မဟုတ် ဗီဒီယိုထဲတွင် အသက် ၁၈ နှစ်ကျော်ပြီဖြစ်ပါက StopNCII.orgကို အသုံးပြုပါ
သင်သည် ဓာတ်ပုံ သို့မဟုတ် ဗီဒီယိုထဲတွင် အသက် ၁၈ နှစ်အောက်ဖြစ်ပါက TakeItDown.NCMEC.orgကို အသုံးပြုပါ

၎င်း၏အလုပ်လုပ်ပုံ

StopNCII.org - အသက် ၁၈ နှစ်အထက်

သင့်တွင် အသက် ၁၈ နှစ်ကျော်ပြီးနောက် ရိုက်ကူးထားသော အတွင်းရေး ဓာတ်ပုံ သို့မဟုတ် ဗီဒီယိုတစ်ခုရှိပြီး အွန်လိုင်းပေါ်တွင် မျှဝေခံရမည် သို့မဟုတ် ပြန်မျှဝေခံရမည်ကို စိုးရိမ်ပူပန်ပါက နောက်ထပ်အဆင့်ဆင့်ပြန့်ပွားမှုကို တားဆီးရန်အတွက် StopNCII.orgမှတစ်ဆင့် လုပ်ဆောင်ရန်အဆင့်များအတိုင်း ဆောင်ရွက်နိုင်ပါသည်။

တစ်ခုခု မှားသွားပါတယ်

၎င်းဗီဒီယိုကို ဖွင့်ရန် အခက်အခဲရှိနေပါသည်။

ပိုမိုလေ့လာရန်

၎င်းကိရိယာတွင် ဓာတ်ပုံတစ်ပုံ၌ သီးခြားဟက်ရှ်တန်ဖိုး (ဂဏန်းကုဒ်တစ်ခု) သတ်မှတ်ပေးပြီး လုံခြုံသော ဒစ်ဂျစ်တယ်လက်ဗွေရာတစ်ခု ဖန်တီးပေးသည့် ဟက်ရှ်ထုတ်ပေးသော နည်းပညာကို အသုံးပြုပါသည်။ StopNCII.org တွင် ပါဝင်နေသော နည်းပညာကုမ္ပဏီများသည် ၎င်းဟက်ရှ်ကို လက်ခံရရှိပြီး သူတို့၏ ပလက်ဖောင်းများပေါ်တွင် တစ်စုံတစ်ဦးသည် ဤဓာတ်ပုံများကို မျှဝေထားပါက သို့မဟုတ် မျှဝေရန်ကြိုးစားနေပါက ရှာဖွေဖော်ထုတ်ရန်အတွက် ၎င်းဟက်ရှ်ကို အသုံးပြုနိုင်ပါသည်။

သင်၏ အမှုကိစ္စကို တိုင်ကြားရန်

ရုပ်ပုံများ အွန်လိုင်းတွင်ပျံ့နှံ့ခြင်းမှ တားဆီးကာကွယ်ရာတွင် ကူညီပေးခြင်း

အသုံးပြုသူများ လုံခြုံမှုရှိစေရန်အတွက် လုပ်ငန်းနယ်ပယ်တစ်လွှား အချက်ပြခြင်းများမျှဝေရန် ကျွန်ုပ်တို့ ဆက်လက်ဆောင်ရွက်လျက်ရှိသလို အင်တာနက်တစ်လွှား သဘောမတူဘဲ အတွင်းကျကျပုံရိပ်မျှဝေခြင်းကို ကူညီဖယ်ရှားရန်အတွက် ထပ်ဆောင်းအဆင့်များကိုလည်း ဆောင်ရွက်လျက်ရှိပါသည်။ အရွယ်ရောက်ပြီးသူများသည် သူတို့၏ သဘောတူညီချက်မပါဘဲ အွန်လိုင်းတွင် သူတို့၏ အတွင်းရေးရုပ်ပုံများ မျှဝေခြင်းမှ ကူညီတားဆီးရန်အတွက် ၎င်းရုပ်ပုံများ၏ ဟက်ရှ်များကို StopNCII.org နှင့် မျှဝေနိုင်ပြီဖြစ်သည်၊ မကြာမီတွင် Meta အက်ပ်များမှ ကျွန်ုပ်တို့ဖယ်ရှားထားသည့် သဘောမတူဘဲ မျှဝေထားသော အတွင်းရေးရုပ်ပုံများ၏ ဟက်ရှ်များကို StopNCII.org မှတစ်ဆင့် အခြားကုမ္ပဏီများနှင့် လုံခြုံစွာမျှဝေရန် ကျွန်ုပ်တို့ စတင်ဆောင်ရွက်ပါမည်။ ဤနည်းဖြင့် တစ်စုံတစ်ဦးက ဟက်ရှ်လုပ်ထားသောရုပ်ပုံကို StopNCII.org သို့ လက်ဦးမှုရယူသည့်အနေဖြင့် သူကိုယ်တိုင် အပ်လုဒ်လုပ်ထားခြင်းမရှိလျှင်ပင် မတူညီသော အွန်လိုင်းပလက်ဖောင်းများတစ်လွှား၌ ဤရုပ်ပုံများပြန်မျှဝေခြင်းကို တားဆီးကာကွယ်ရန် ကျွန်ုပ်တို့အား ကူညီခွင့်ရစေမည်ဖြစ်သည်။

မှတ်ချက် - ကျွန်ုပ်တို့သည် ဤသို့ကြိုးစားအားထုတ်မှုအသစ်ကို လုပ်ငန်းနယ်ပယ်တစ်လွှား ဖြည်းဖြည်းချင်း မိတ်ဆက်ပေးလျက်ရှိသောကြောင့် အရွယ်ရောက်ပြီးသူများအနေဖြင့် StopNCII.org တွင် အမှုကိစ္စရပ်တစ်ခု ဆက်လက်ဖန်တီးရန်မှာ အရေးကြီးလှပါသည်။

Take It Down - အသက် ၁၈ နှစ်အောက်

ကျွန်ုပ်တို့သည် လူငယ်များကိုလည်း အွန်လိုင်းတွင် ဘေးကင်းလုံခြုံ၍ အပေါင်းလက္ခဏာဆောင်သော အတွေ့အကြုံများ ရရှိစေလိုသည့်အပြင် သူတို့အား ကာကွယ်ပေးရန်ရည်ရွယ်သော ကိရိယာများနှင့် မူဝါဒများကို ဆယ်စုနှစ်တစ်ခုကြာ တီထွင်ဖန်တီးလျက်ရှိပါသည်။ ကျွန်ုပ်တို့မှာ Lantern ၏ တည်ထောင်သူအဖွဲ့ဝင်တစ်ဦးဖြစ်ပါသည်၊ ၎င်းမှာ Tech Coalition မှ အစီအစဉ်တစ်ခုဖြစ်ကာ လိင်ပိုင်းဆိုင်ရာအမြတ်ထုတ်ခြင်းအပါအဝင် သားရဲပမာချောင်းမြောင်းကြသူများ၏ အကောင့်များ၊ အပြုအမူများနှင့်ပတ်သက်သော အချက်ပြခြင်းများကို နည်းပညာကုမ္ပဏီများအား မျှဝေခွင့်ရစေပါသည်။

သင့်တွင် အသက် ၁၈ နှစ်အောက်ဖြစ်စဥ်က ရိုက်ကူးထားသော သင်ကိုယ်တိုင်၏ ဝတ်လစ်စားလစ် သို့မဟုတ် လိင်အသားပေး ဓာတ်ပုံဖြစ်စေ၊ ဗီဒီယိုဖြစ်စေရှိနေပြီး ၎င်းတို့ မျှဝေခံရမည် သို့မဟုတ် ထပ်ပြီးမျှဝေခံရမည်ကို စိုးရိမ်ပူပန်ပါက နောက်ထပ်အဆင့်ဆင့်ပြန့်ပွားမှုကို ကာကွယ်တားဆီးနိုင်ရန်အတွက် TakeItDown.NCMEC.orgမှတစ်ဆင့် လုပ်ဆောင်ရန်အဆင့်များအတိုင်း ဆောင်ရွက်နိုင်ပါသည်။

StopNCII.org နှင့်အလားတူပင် Take It Down သည်လည်း သင့်ဓာတ်ပုံ သို့မဟုတ် ဗီဒီယိုသည် သင့်ဖုန်း/ကွန်ပျူတာမှ ဖယ်ရှားရန်မလိုသလို မည်သူမျှ ကြည့်ရှုရန်မလိုဘဲ သင့်ဓာတ်ပုံ သို့မဟုတ် ဗီဒီယိုကို သီးသန့် အထူးဟက်ရှ်တန်ဖိုး (ဂဏန်းကုဒ်တစ်ခု) သတ်မှတ်ပေးပါသည်။ ၎င်းဟက်ရှ်တန်ဖိုးကို NCMEC သို့ သင်ပေးပို့ပြီးသည်နှင့်တစ်ပြိုင်နက် ကျွန်ုပ်တို့ကဲ့သို့ ကုမ္ပဏီများသည် နောက်ပိုင်းတွင် ကျွန်ုပ်တို့၏ အက်ပ်များပေါ်၌ အဆိုပါအကြောင်းအရာအား ပို့စ်တင်ခြင်းမှ ကာကွယ်တားဆီးရန်အတွက် ဤဟက်ရှ်များကို အသုံးပြုနိုင်ပါသည်။

အဆိုပါရွေးချယ်စရာမှာ အောက်ပါတို့အတွက်ဖြစ်သည် -

သူတို့၏ ဝတ်လစ်စားလစ် ဓာတ်ပုံ သို့မဟုတ် ဗီဒီယိုသည် အွန်လိုင်းပေါ်တွင် တင်ထားခံရသည် သို့မဟုတ် အတင်ခံရမည်ကို စိုးရိမ်ပူပန်သော အသက် ၁၈ နှစ်အောက် ဆယ်ကျော်သက်များ
ဆယ်ကျော်သက်တစ်ဦးကိုယ်စား မိဘများ သို့မဟုတ် ယုံကြည်ရသော အရွယ်ရောက်ပြီးသူများ
အသက် ၁၈ နှစ်အောက်တွင် ရိုက်ကူးခဲ့သော သူတို့၏ ဝတ်လစ်စားလစ်ပုံနှင့်ပတ်သက်ပြီး စိုးရိမ်ပူပန်သည့် အရွယ်ရောက်ပြီးသူများ

အစပြုရန်