မူးယစ်ဆေးဝါး လွဲမှားစွာအသုံးပြုမှုနှင့် အလွဲသုံစားပြုမှုတို့ကို တိုက်ဖျက်ရန် လူမှုအဖွဲ့အစည်းများအား ပံ့ပိုးကူညီပေးခြင်း

Meta သည် အသိပညာမြှင့်တင်ခြင်းနှင့် ပညာရေးမြှင့်တင်ရန်အတွက် အဖွဲ့အစည်းများနှင့် မိတ်ဖက်ခြင်းခြင်း၊ အွန်လိုင်းပေါ်ရှိ မူးယစ်ဆေးဝါးမှောင်ခိုကူးခြင်းများအား တိုက်ဖျက်ခြင်းနှင့် ဥပဒေစိုးမိုးရေးအတွင်းရှိ ကျွန်ုပ်တို့၏မိတ်ဖက်များနှင့် ပူးပေါင်းခြင်း စသည်တို့ကို အာရုံစိုက်ခြင်းဖြင့် တရားမဝင်မူးယစ်ဆေးဝါးများ၏ အန္တရာယ်ကို ဖြေရှင်းရန် လုပ်ဆောင်နေပါသည်။

ကျွန်ုပ်တို့တွင် ဆေးဝါးမဟုတ်သော၊ အန္တရာယ်များသော မူးယစ်ဆေးဝါးများ အသုံးပြုမှုကို မြှင့်တင်ပေးသည့် သို့မဟုတ် လွယ်ကူစေသည့် အကြောင်းအရာများကို ဆန့်ကျင်သည့် စည်းမျှဉ်းများရှိပါသည်။ ကျွန်ုပ်တို့၏ စည်းမျဉ်းများကို ချိုးဖောက်သည်ဟု ယူဆရသည့် အကြောင်းအရာများကို တွေ့ရှိပါက ၎င်းအကြောင်းအရာကို တိုင်ကြားပေးပါရန် မည်သူ့ကိုမဆို ကျွန်ုပ်တို့ တိုက်တွန်းအပ်ပါသည်။ ဤအကြောင်းအရာကို ကျွန်ုပ်တို့ သတိပြုမိလာပါက အရေးယူဆောင်ရွက်ရန် လုပ်ဆောင်ပါမည်။

အောက်ဖော်ပြပါ အရင်းအမြစ်များသည် မူးယစ်ဆေဝါးအသုံးပြုမှု တားဆီးရေးနှင့် ပြန်လည်ထူထောင်ရေးနှင့်ပတ်သက်သည့် အကူအညီများနှင့် အချက်အလက်များရယူရန် ကြိုးစားနေသူများအတွက်ဖြစ်ပြီး ဤအရင်းအမြစ်များကို Partnership to End Addiction နှင့် Song for Charle တို့နှင့်ပူးပေါင်း၍ ဖန်တီးထားခြင်းဖြစ်ပါသည်။ အိုပီရွိုက် ဆေးဝါးကြောင့် သေဆုံးမှုများဖြစ်ပွားခြင်းကို ကျွန်ုပ်တို့ကိုင်တွယ်ဆောင်ရွက်ပုံကို ဤနေရာတွင် ပိုမိုလေ့လာပါ။

Partnership to End Addiction က ဖန်တီးထားပြီး Meta က လိုက်လျောညီထွေမှုရှိအောင်ပြင်ဆင်ထားသော ဤအကူအညီအရင်းအမြစ်များသည် မူးယစ်ဆေးဝါးလွဲမှားစွာအသုံးပြုမှုနှင့်ပတ်သက်သည့် အကူအညီများရယူရန်ကြိုးစာနေသူများအတွက်ဖြစ်ပါသည်။

ဘယ်လိုအချိန်တွေမှာ သင်အကူအညီရယူသင့်ပါသလဲ။

မိသာစုများအနေဖြင့် အကူအညီရယူရမည့်အချိန်နှင့်ပတ်သက်၍ မသေချာမှုများရှိနေနိုင်ပါသည်။ သင်သည် သင်ချင်ခင်ရသူအတွက် ကျွမ်းကျင်သူတစ်ဦးဖြစ်ပါသည်၊ ထို့ကြောင့် သင့်ချစ်ခင်ရသူအကြောင်း အခြားသူများမှ ပြောဆိုလာသည့်အခါ သင့်ပင်ကိုယ်အသိစိတ်ကို ယုံကြည်ပြီး သုံးသပ်ဆုံးဖြတ်ပါ။ စိတ်ကျန်းမာရေးပညာရှင်များက မူးယစ်ဆေးဝါးသုံးစွဲမှုပြဿနာများကိုရှာဖွေရန်အသုံးပြုသော အမေရိကန်စိတ်ရောဂါကုသရေးအသင်း၏ စိတ်ရောဂါရှာဖွေရေးနှင့် စာရင်းအင်းလက်စွဲစာအုပ် (DSM-5) မှ သတ်မှတ်စံနှုန်းများသည် သင့်ကိုကူညီနိုင်မည်ဖြစ်ပါသည်။

• ရည်ရွယ်ထားသည်ထက် အသုံးပြုနေရခြင်း
• လျှော့ချလိုသော်လည်း သို့မဟုတ် ဖြတ်လိုသော်လည်း မဆောင်ရွက်နိုင်ဖြစ်နေရခြင်း
• မူးယစ်ဆေးဝါး ရယူရန်၊ အသုံးပြုရန်နှင့် ပြန်လည်နလန်ထူရန်အတွက် အချိန်ကုန်နေရခြင်း
• အသုံးပြုရန် ပြင်းထန်သော တောင့်တမှု သို့မဟုတ် ဆန္ဒ ရှိလာခြင်း
• ကျောင်း၊ အလုပ် သို့မဟုတ် အိမ်တို့တွင် တာဝန်ဝတ္တရာများကို ကိုင်တွယ်ဖြေရှင်းမှုမရှိနေခြင်း
• စိတ်ဝင်စားမှုများ၊ ဝါသနာများနှင့် ပျော်ရွှင်ဖွယ်ရာ လှုပ်ရှားဆောင်ရွက်မှုများကို စွန့်လွှတ်လိုက်ရခြင်း
• ရင်းနှီးပတ်သက်မှုဆိုင်ရာ ပြဿနာများ ကြုံတွေ့နေရခြင်း
• (ယာဉ်) မောင်းနှင်ခြင်းများကဲ့သို့သော အန္တရာယ်ရှိသည့် အခြေအနေများတွင် အသုံးပြုနေခြင်း
• ရုပ်ပိုင်းနှင့် စိတ်ပိုင်းကျန်းမာရေးပြဿနာများကို ပိုမိုဆိုးရွာလာနေခြင်း
• တူညီသည့် ခံစားမှုရရှိနိုင်ရန် ပိုမိုအသုံးပြုရန် လိုအပ်လာနေခြင်း (ဆေးယဉ်ပါးလာခြင်း)
• အသုံးမပြုသည့်အခါ နေထိုင်မကောင်း ခံစားနေရခြင်း (ဆေးဖြတ်သည့်လက္ခဏာများ)

အထက်ဖော်ပြထားသည်များမှ အဖြေမှန်သည် ၂ ခုနှင့် ၂ ခုထက်ပိုပါက အကူအညီရယူရန် အချိန်ကျလာပါပြီ။

အရည်အသွေးပြည့်မီသည့် ကုသမှုကို ကျွန်ုပ်ဘယ်လိုရှာရမလဲ။

• စကားပြောခြင်း - သင်ချစ်ခင်ရသူ၏ မူးယစ်ဆေးဝါးသုံးစွဲမှုနှင့် အကူအညီလိုအပ်မှုတို့အကြောင်း သင်စကားပြောကြည့်ပြီးပြီလား။ အပြန်အလှန်စကားပြောဆိုသည့်အခါ အကူအညီဖြစ်စေမည့် ဤအကြံပြုချက်များကို သတိရပါ -
• အပြန်အလှန်စကားပြောဆိုရန်အတွက် သေချာစွာစီစဉ်ပြင်ဆင်ပါ။ ထို့အပြင် ဖြစ်နိုင်လျှင် ဆေးကုသမှု အစီအစဉ်များလည်း ရှိနေပါစေ။
• သင့်ချစ်ခင်ရသူက ဆေးကုသမှုကိုလုံးဝငြင်းဆန်ခဲ့လျှင်လည်း ကျန်းမာမှုဆီသို့ ဦးတည်စေတဲ့နည်းလမ်းတစ်ခုအဖြစ် (ဥပမာ - ကျောက်တောင်တက်ခြင်း၊ ဂီတသင်ခန်းစာများ၊ ယောဂ၊ တရားထိုင်ခြင်း စသည့်) ကျန်းမာရေးနှင့်ညီညွတ်သော အခြားရွေးချယ်စရာများကို စဉ်းစားပေးပါ။ အန္တရာယ်လျှော့ချရေး လုပ်ငန်းစဉ်များကိုလည်း သင်ထည့်သွင်းစဉ်းစားပေးနိုင်ပါသည်။
• (ဆေးချိန်လွန်ခြင်း သို့မဟုတ် အလွန်အမင်းရန်မူလာခြင်း ကဲ့သို့သော) အရေးပေါ်အခြေအနေတစ်ခုခုရှိလာပါက ဒေသန္တရအာဏာပိုင်အဖွဲ့များကို အမြဲခေါ်ဆိုပါ။ ထို့အပြင် ဘေးအန္တရာယ်များကို အိမ်တိုင်ရာရောက်ကူညီဖြေရှင်းပေးသည့်အဖွဲ့ (mobile crisis unit) ကဲ့သို့သော အကူအညီပေးနိုင်သည့် သင့်လူမှုအဖွဲ့အစည်းရှိ အရင်းအမြစ်များနှင့်လည်း ရင်းနှီးမှုတည်ဆောက်ထားပါ။
• စူးစမ်းလေ့လာပါ - သင့်ဒေသတွင် ရရှိနိုင်သည့် ဆေးကုသမှုအစီအစဉ်များနှင့်ပတ်သက်ပြီး လေ့လာထားပါ။ ၎င်းတွင် အကြံပြုဆွေးနွေးပေးခြင်း၊ ပြင်ပလူနာ သိုမဟုတ် အတွင်းလူနာ အစီအစဉ်များ၊ ထောက်ပံ့ကူညီရေးအဖွဲ့များ၊ သက်တူရွယ်တူ ပြန်လည်ထူထောင်ရေး အထူးကုများ၊ တောင့်တခြင်းများကို စီမံရန် ဆေးဝါးများနှင့် အခြားအရာများ ပါဝင်ပါသည်။ ဝန်ဆောင်မှုပေးသည့် အဖွဲ့အစည်းတိုင်းသည် အရည်အသွေးပြည့်မီသည်မဟုတ်သလို ယုံကြည်ရသည်လည်းမဟုတ်ပါ။ ထို့ကြောင့် ဆေးကုသရေးစင်တာများနှင့်ပတ်သက်၍ သင့်ဘက်မှ စုံစမ်းလေ့လာထားရန်လည်း အရေးကြီးပါသည်။
• အကဲဖြတ်သုံးသပ်ပါ - နောက်တစ်ဆင့်အနေဖြင့် သင့်ဒေသတွင် မူးယစ်ဆေးဝါးစွဲခြင်းနှင့်ပတ်သက်ပြီ လိုင်စင်ရ ကျန်းမာရေးစောင့်ရှောက်မှုပေးသူများ ရှိပါက သူတို့ထံမှ အကဲဖြတ်သုံးသပ်ချက်တစ်ခု ရယူရန်ဖြစ်ပါသည်။ သူတို့သည် ပြသနာ၏အတိုင်းအတာကို သင်နားလည်စေရန် ကူညီပေးနိုင်မည်ဖြစ်ပြီး သင့်လျော်မှန်ကန်မှုရှိသည့်စောင့်ရှောက်မှုအဆင့်ကို သင့်အတွက်အကြံပြုပေးနိုင်မည် ဖြစ်ပါသည်။ လူအများစုသည် ပြန်လည်ထူထောင်ရေးဝန်ဆောင်မှုကို မလိုအပ်ပါ။
• အစီအစဉ်များ - သင့်ချစ်ခင်ရသူ၏ သီးခြားလိုအပ်မှုများနှင့်ကိုက်ညီမှုရှိသည့် ဝန်ဆောင်မှုတစ်ခုကို ရှာဖွေရန်အတွက် ဆေးကုသမှုဆိုင်ရာဝန်ဆောင်မှု ရှာဖွေရေးကိရိယာ သို့မဟုတ် အစိုးရဝက်ဘ်ဆိုက်များကို အသုံးပြုပါ။ သူတို့ထံတွင် လစ်လပ်နေရာများ ရှိ/မရှိကို အတည်ပြုရန် ထိုဝန်ဆောင်မှုများကို ဖုန်းခေါ်ဆိုပါ။ ထို့အပြင် သင့်ချစ်ခင်ရသူ လိုအပ်သည့် စောင့်ရှောက်မှုမျိုး ဆောင်ရွက်ပေးခြင်း ရှိ/မရှိ ကို သေချာစွာ မေးမြန်းပါ။
• ဆေးကုသမှု - မိသားစု အကြံပြုဆွေးနွေးပေးခြင်းနှင့် ပညာပေးအစီအစဉ်များ ရှိပါက ၎င်းတို့တွင် ပါဝင်ပါ။ သင့်တိုက်တွန်းအားပေးမှုနှင့် ပံ့ပိုးကူညီမှုတို့သည် အမှန်တကယ် ထိရောက်မှုရှိနိုင်ပါသည်။

ဆေးကုသမှုကို ဘယ်လိုအကြံပြုပေးရမလဲ

ဆေးကုသရေးအတွက် ဆွေးနွေးအကြံပြုမှုနှင့်ပတ်သက်လာလျှင် အထူးသဖြင့် ချစ်ခင်ရသူအနေဖြင့် စိတ်ဝင်စားမှုမပြပါက မိသားစုများအနေဖြင့် စိတ်သောကရောက်ရပါသည်။ အပြန်အလှန်စကားဝိုင်း အဆင်ပြေချောမွေ့စေရန် အထောက်အကူပြုပေးမည့် သင်လုပ်ဆောင်နိုင်သည့် အရာအချို့ကို ဤနေရာတွင်ဖော်ပြထားပါသည်။

• အစီအစဉ်ရေးဆွဲပြီး ကြိုတင်ပြင်ဆင်ပါ -
• သင့်ချစ်ခင်ရသူ၏ ရှု့ထောင့်ကို နားလည်ပေးပါ။ ဆေးကုသမှု၏ ကောင်းကျိုးများနှင့် ဆိုးကျိုးများအပေါ် သူတို့ မည်ကဲ့သို့တွေးခေါ်ယူဆပါသနည်း။
• ဆေးကုသမှုအစီအစဉ်များကို ရှာဖွေလေ့လာပြီး ရွေးချယ်စရာကို ပံ့ပိုးပေးပါ။
• ပြောဆိုဆက်ဆံရေး နည်းဗျူဟာများ -
• သူ၏ စိတ်ဝင်စားမှုများနှင့် ဆက်စပ်မှုရှိသည့်အကြောင်းအရာကို အသုံးပြုပါ။ (ဥပမာ - စိတ်ဓာတ်ကျမှု သို့မဟုတ် စိုးရိမ်ပူပန်မှု လျော့နည်းလာခြင်းကြောင့် ပိုမိုကောင်းမွန်စွာ အိပ်စက်နိုင်လာခြင်း စသည့်) ဆေးကုသမှုမှ သူမည်သည့်အရာများရရှိနိုင်ကြောင်း ပြောပြပေးပါ။
• ယခင်က ကြိုးစားမှုများအပေါ် ပြန်လည်သုံးသပ်ပြီး သင့်ချဉ်းကပ်နည်းကို ချိန်ညှိပါ။ ယခင်ဆေးကုသမှုနှင့်ပတ်သက်၍ သူကြိုက်နှစ်သက်သည့် သို့မဟုတ် မနှစ်သက်သည့်အရာအကြောင်း။
• အပြန်အလှန်ပြောဆိုမှုကို လေ့ကျင့်ပါ။
• ပြောင်းလဲမှုအကြောင်း ပြောဆိုခြင်းနှင့် မက်လုံးများ -
  
• (ငါ အလုပ်အသစ်တစ်ခု လိုချင်တယ်၊ ငါဒီလိုခံစားရတာမကြိုက်ဘူး၊ ငါ ဒီထက် ပိုက်ဆံအများကြီးရှိချင်လိုက်တာ၊ စသဖြင့်) အပြောင်းအလဲအတွက် ဆန္ဒတစ်ခုကို ညွှန်းပြသည့် အရိပ်ရောင်များကို နားဆင်ပေးပါ။
• ဆေးကုသမှုသို့ သွားရောက်ရန် မက်လုံးပေးပါ သို့မဟုတ် ဂရုစိုက်စွာနှင့် ချစ်ခင်ရင်းနှီးစွာ ညှိနှိုင်းပေးပါ။

ကျွန်ုပ်၏ ချစ်ခင်ရသူသည် ဆေးကုသမှုအတွက် ငြင်းဆန်နေပါက ဘာတွေလုပ်ရမလဲ။

အမျိုးမျိုးသော အကြောင်းရင်းများကြောင့် လူအများသည် အကူအညီ မရယူနိုင်ခြင်း သို့မဟုတ် မရယူလိုခြင်း ဖြစ်နိုင်ပါသည်။ ဤကဲ့သို့သော ကိစ္စရပ်တွင် မူးယစ်ဆေးဝါးသုံးစွဲမှု၏ အန္တရာယ်ကို လျှော့ချရန် နည်းလမ်းများကို ကြိုးစားကြည့်ရန် အကြံပြုပေးပါ။

ခရီးသွားလာနေသူများအားလုံး ဘေးကင်းလုံခြုံစေရန်ရည်ရွယ်၍ (အရက်သေစာ) သောက်သုံးသူများအနေဖြင့် ယာဉ်မောင်းတစ်ဦးထားရှိရန် ကျွန်ုပ်တို့ တောင်းဆိုပါသည်။ အန္တရာယ်လျှော့ချရေးဟုဆိုရာတွင် အခြားမူးယစ်ဆေးဝါးများအတွက်လည်း အကျုံးဝင်ပါသည်။ ဥပမာ ဆေးချိန်လွန်ခြင်းကို ကုစားရန် နာလိုဇုန်းထားရှိရခြင်း၊ မူးယစ်ဆေးဝါးများ ရောစပ်မှု မပြုခြင်း၊ သန့်ရှင်းသည့် ဆေးထိုးအပ်များနှင့် သန့်ရှင်းသည့် အခြားဆက်စပ်ပစ္စည်းများကို အသုံးပြုခြင်း၊ မူးယစ်ဆေးဝါးကို ဘယ်သောအခါမျှ တစ်ဦးတည်းအသုံးမပြုခြင်း စသည်တို့သည် အန္တရာယ်များလျှော့ချရန်အတွက် အခြားနည်းလမ်းများဖြစ်ပါသည်။

အကျိုးကျေးဇူးများတွင် အောက်ပါတို့ပါဝင်ပါသည် -

• ဆေးချိန်လွန်ခြင်းနှင့် သေဆုံးမှု လျော့နည်းလာခြင်း
• ရောဂါပျံ့နှံ့မှုနှင့် ကူးစက်မှုများ လျော့ကျလာခြင်း
• ပညာရေး၊ အကြံပေးဆွေးနွေးမှုနှင့် ဆေးကုသမှုတို့ကို ပိုမိုအသုံးပြုုနိုင်ခြင်း
• ကျန်းမာရေးစောင့်ရှောက်မှုကုန်ကျစရိတ်မှား ကျဆင်းလာခြင်း
• အပြစ်ဆိုဖွယ်အမည်းစက်များ လျော့နည်းလာခြင်း